Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Номаи сипосмандӣ

                                                                             Ба Вазири корҳои дохилии             

                                                                                               Ҷумҳурии Точикистон                  

                                                                                               генерал - лейтенанти милитсия

                                                                                                                       Раҳимзода Р.Ҳ.                             

М Ӯ Ҳ Т А Р А М    В А З И Р ! 

Бо камоли эҳтиром ва самимияти афзун сипосмандии беандозаи худ ва кулли собиқадорони мақомоти корҳои дохилии Ҷумҳурии Тоҷикистон дар вилояти Суғдро ба Шумо барои ташаббус ва иқдоми некатон дар ташкилу амалинамоии корҳои таъмиру барқароркунӣ дар Шӯъбаи тиббӣ ва дармонгоҳи Раёсати Вазорат дар вилояти Суғд, фароҳам овардани шароитҳои мусоиду муосири табобатӣ барои ҳайати шахсӣ ва собиқадорони мақомоти корҳои дохилии Ҷумҳурии Тоҷикистон баён менамоям.

Пас аз анҷоми корҳои таъмиру барқароркунӣ ман дар дармонгоҳи Шӯъбаи тиббии Раёсати Вазорат дар вилояти Суғд муолиҷа гирифтам ва ҳамарӯза барои дидорбиниам қисми зиёди собиқадороне, ки солҳои тӯлонӣ бо ман дар сафи мақомот фаъолият доштанд, ташриф оварда, аз шароитҳои бино ва ҳуҷраҳои табобатгоҳ ва табобати духтурон огоҳӣ ёфта, бо як эҳсосоти баланд ва ифтихори миллӣ миннатдории худро ба Шумо - роҳбари оқилу ташаббускор ва ғамхори имрӯзаи мақомот баён намуданд.

Тӯли 24 соле, ки роҳбариии Шӯъбаи ташхиси криминалистии Раёсати ВКД Ҷумҳурии Тоҷикистон дар вилояти Суғдро ба зимма доштам ва 12 соли дар нафақа буданам ман ин гуна ободӣ ва ғамхориро нисбати кормандони мақомоти корҳои дохилии вилояти Суғд надида  будам.

Аз ин лиҳоз, ба Шумо ва роҳбарияти ВКД Ҷумҳурии Тоҷикистон миннатдории самимонаи хешро баён намуда, ба корҳои Шумо дар ҳифзи тартиботи ҷамъиятӣ, осоиштагии рӯзгори мардум, ғамхорӣ нисбати кормандону собиқадорони мақомот ва созандагиву ободкориҳои чунин муассисаҳои замонавӣ бурдбориҳои беназирро таманно дорам. 

Раҳмат  барои  чунин  ғамхориҳои  беназир !!! 

Бо эҳтиром:

Собиқ сардори Шӯъбаи

ташхисӣ - криминалистии

Раёсати ВКД Ҷумҳурии

Тоҷикистон дар вилояти Суғд

полковники мустаъфӣ                                                                               Т.С.Самадов

 

 




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика