Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Изҳори миннатдории Ширкати «Умед-88»

Ба Вазири корҳои дохилии       

Ҷумҳурии Тоҷикистон                

генерал-лейтенанти милитсия

Раҳимзода Р.Ҳ.                           

Мӯҳтарам Рамазон Ҳамро!

Ширкати «Умед-88» бо арзи эҳтиром ва сипоси бепоён миннатдории хешро ба Шумо ва ба ҳама ҳайати шахсии Вазорати корҳои дохилӣ иброз медорад. Дар таърихи 16 октябри соли ҷорӣ, соатҳои 03:00-03:30 шабона як гурӯҳи муссалаҳи ниқобпӯш ба нуқтаи фурӯши сӯзишвории «Умед-88», воқеъ дар кӯчаи Шестопалова бо корду чӯбдастҳо ошкоро ба кормандони коргоҳи мазкур ҳамла бурда, маблағи хазинаро бо худ бурданд.

Онҳо аз ҷумла кормандони ин нуқта Каримов Дамир ва Пирзода Кароматуллоро бо зарби кард захмӣ намуда, шишаи дукони хазинаро шикаста, аз он ҷо бештар аз 4000 сомониро бо худ бурданд.

Дар натиҷаи гузаронидани корҳои фаврӣ-ҷустуҷӯӣ шахсони гумонбар дар содир кардани ин ҷинояти нангин Абдуллоев Фарҳод, Мустафоқулов Баҳрулло, Назаров Мурод ва Сиёвуши Одилҷон, сокинони ноҳияи Ҳисор дастгир карда шуданд.

Ширкати мо миннатдории худро пеш аз ҳама ба ҳайати шахсии Вазорати корҳои дохилии Ҷумҳурии Тоҷикистон иброз дошта, қайд карданием, ки баъди сар задани ин ҷиноят сардори РВКД дар шаҳри Душанбе Ҷурахонзода Саид баҳри ошкор намудани ин ҷиноят тамоми чораҳоро андешида, таҳти назорати қатъӣ гирифт ва тамоми коргарони фавриро баҳри ошкор кардани ин ҷиноят сафарбар намуданд.

Мо хурсанд аз он ҳастем, ки баъди сар задани ин ҳодиса сардори ШВКД-1 дар ноҳияи Синои ш.Душанбе полковники милитсия Нумонов Р.И. бевосита ба ҷойи ҳодиса ташриф оварда, дар ҷояш баҳри ошкор гаштани ин ҷиноят тамоми чораҳоро андешиданд.

Маҳз кордонию муттаҳидии кормандони ВКД ҶТ буд, ки ҷинояти мазкур дар мӯҳлати кутоҳтарин ошкор гардид. Аз ин рӯ, ширкати мо аз ин амали кормандони Вазорати корҳои дохилӣ қаноатманд буда, миннатдории хешро бори дигар иброз медорад.

 Бо эҳтиром,

Директори генералии ҶДММ «Умед-88»                    Одинаев Р.Ғ.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика