Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рашт: Мусобиқаҳои варзишӣ бахшида ба 25-умин солгарди Конститутсияи Ҷумҳурии Тоҷикистон

470

Дар партави сиёсати дурандешонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди варзиш ва тарғиби тарзи ҳаёти солим дар ҷомеа аз ҷониби Вазорати корҳои дохилӣ дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба таҷлили 25-умин солгарди Конститутсияи Ҷумҳурии Тоҷикистон мусобиқаҳои кушоди шахсӣ-даставӣ аз намудҳои футболи хурд, волейбол, шашка ва шоҳмот миёни ҷавонони минтақа ва ноҳияи Рашт, инчунин мусобиқаи футболи хурд дар байни кормандони мақомоти ҳифзи ҳуқуқ ва сохторҳои қудратии минтақаи мазкур баргузор карда шуд.

Дар мусобиқаҳои варзишии мазкур, ки тайи ду рӯз, 16-17-уми октябр идома ёфтанд, намояндагони корхонаю идораҳои давлатӣ, муассисаҳои таҳсилоти миёнаву олӣ, аз ҷумла мақомоти ҳифзи ҳуқуқ ва сохторҳои қудратии минтақа иштирок намуданд.
Дар маросими кушодашавии чорабиниҳои варзишӣ, ки дар толори Маҷмааи варзишии шаҳраки Ғарм доир гардид, муовини сардори РВКД дар минтақа ва ноҳияи Рашт полковники милитсия Баҳром Худойдодзода, инчунин намояндагони дигар мақомоти марбутаи минтақа баромад намуда, оид ба аҳамият ва муҳиммияти варзиш дар солимии ҳаёти инсон, якдигарфаҳмию ҳамгироӣ, якдилию муттаҳидии қишрҳои гуногуни ҷомеа, махсусан барои ҷавонон баҳри ояндаи дурахшони онҳо ва пешгирӣ аз амалу кирдорҳои номатлуб қайд карда гузаштанд.
Ҳамчунин муовини аввали Раиси Шӯрои ҷумҳуриявии «Динамо»-и Вазорати корҳои дохилӣ подполковники хизмати дохилӣ Шоҳиён Аслиддин Назрӣ баромад намуда, изҳор дошт, ки варзиш дар Вазорати корҳои дохилӣ мақоми хоссаро ишғол намуда, таҳти сарпарастии Вазири корҳои дохилӣ генерал-полковники милитсия Раҳимзода Рамазон Ҳамро ҳар сол мусобиқаҳои гуногун оид ба намудҳои мухталифи варзишӣ гузаронида мешавад.
Аз ин лиҳоз, тасмим гирифта шуд, ки дар моҳи октябр чунин мусобиқаҳо дар байни ҷавонони ноҳияи Рашт баргузор карда шавад, зеро варзиш ба тарзи ҳаёти солим мусоидат намуда, ҷиҳати тақвият ёфтани дӯстию рафоқат ва обутоби ҷисмонӣ манфиатбахш мебошад.

471472473

Дар рӯзи дуюм аллакай мусобиқаҳои шашка миёни ҷавондухтарон ва шоҳмот миёни ҷавонон ва ҳам ҷавондухтарон дар алоҳидагӣ гузаронида шуда, ҷамъбаст гардиданд.

Дар мусобиқаи шашка байни ҷавондухтарон Саломат Холова донишҷӯи соли дуюми Коллеҷи тиббии ноҳияи Рашт ҷойи аввал, Манижаи Рауфҷон донишҷӯи дигари ҳамин коллеҷ ҷойи дуюм ва Рухшона Ҳусейнова донишҷӯи соли аввали Донишкадаи омӯзгории Тоҷикистон дар минтақаи Рашт мақоми сеюмро ишғол намуданд.
Дар мусобиқаи шоҳмот миёни ҷавонон Сафархуҷа Наимов коргузори факултети забонҳои Донишкадаи омӯзгории Тоҷикистон дар минтақаи Рашт зинаи аввал, Шодрӯз Қаҳҳоров донишҷӯи соли дуюми донишкадаи зикргардида мақоми дуюм ва Зулфиқаҳҳор Абдулбақоев хонандаи МТМУ № 37-и ноҳияи Рашт зинаи сеюмро ба даст оварданд.

475

Ҳамин тариқ, дар мусобиқаи шоҳмот байни ҷавонондухтарон ҷойҳои ғолибиятро Мадинаи Маҳмадюсуф хонандаи МТМУ №52-и ноҳияи Рашт ҷойи аввал, Маҳина Саймуддинова донишҷӯи соли дуюми Донишкадаи омӯзгории Тоҷикистон дар минтақаи Рашт ҷойи дуввум ва Сурайё Авзалова хонандаи МТМУ №52-и ноҳияи Рашт соҳиб гардиданд.

Аз натиҷаи дигар мусобиқаҳои варзишӣ иловатан иттилоъ хоҳем дод.
Х.Солиҳов, подполковники милитсия, Душанбе-Рашт.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика