Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мусобиқаи кушоди гӯштини юнону румӣ байни наврасон

372

Рӯзҳои 27-28-уми августи соли 2019 аз ҷониби Шӯрои ҷумҳуриявии «Динамо»-и Вазорати корҳои дохилӣ ва Муассисаи давлатии «ММВЗО №6 оид ба намудҳои гӯштин»-и шаҳри Душанбе дар толори Маҷмааи варзиши ШҶ «Динамо» бахшида ба 28-умин солгарди Истиқлолияти давлатии Ҷумҳурии Тоҷикистон мусобиқа аз намуди гӯштини юнону румӣ миёни наврасони солҳои таваллуди 2005-2008 доир гардид, ки дар он беш аз 70 варзишгари наврас иштирок намуданд.
Дар ин мусобиқаи варзишӣ намояндагони 5 даста аз мактабҳои варзишии самти гӯштини шаҳри Душанбе: «Динамо», «Пайванд», «Валӣ», «Политехникум» ва «Мактаби гӯштини №6» дар 13 дараҷаи вазн қувваозмоӣ намуданд.
Мусобиқаро доварони пуртаҷриба гузаронида, ба ҳунарнамоии варзишгарон аъзои ҳакамон тибқи қоидаҳои байналмилалии ин намуди варзиш баҳогузорӣ намуданд.
Ҳадаф аз баргузории чунин як мусобиқаи ҷолиб омода намудани варзишгарони наврас ҷиҳати иштирок дар мусобиқаҳои ҷумҳуриявӣ ва байналмилалӣ, дарёфти чеҳраҳои нав миёни варзишгарони лаёқатманд, ташвиқи тарзи ҳаёти солим дар ҷомеа ва мустаҳкам намудани робитаҳои дӯстию рафиқӣ байни наврасон мебошад.
Варзишгарони аъзои Шӯрои ҷумҳуриявии «Динамо»-и Вазорати корҳои дохилӣ бо иштироки фаъолонаи худ, дар умум, соҳиби 5 ҷойи аввал, 5 ҷойи дуюм ва 10 ҷойи сеюм гардиданд.

373374375376

Дар охир, ба ғолибони мусобиқа дар фазои тантанавӣ медалу Ифтихорномаҳо ва тӯҳфаҳои омоданамудаи ташкилкунандагони чорабинӣ супорида шуданд.
Х. Солиҳов, подполковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика