Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ғолибони Чемпионати Ҷумҳурии Тоҷикистон оид ба шиноварӣ муайян гардиданд

257

Рӯзҳои 15-16-уми июни соли 2019 дар ҳавзи шиноварии шаҳри Хуҷанд бо иштироки зиёда аз 60 нафар варзишгар аз ҷониби Федератсияи миллии шиноварии Ҷумҳурии Тоҷикистон дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чемпионати Ҷумҳурии Тоҷикистон оид ба шиноварӣ доир гардид. 

Дар Чемпионати Ҷумҳурии Тоҷикистон оид ба шиноварӣ аз шаҳри Душанбе 3 даста, аз шаҳри Хуҷанд 1 даста ва аз минтақаи Кӯлоб 1 даста иштирок намуданд.
Дар рафти Чемпионат шиноварони варзишгар ҷаҳду талош намуданд, ки ҷойҳои намоёнро ишғол намоянд.
Дар натиҷа, ғолибони мусобиқа муайян гардиданд.
Аз намуди тарзи озод дар масофаи 50 метр ҷойи 1-ум насиби Ишанов Олим, ҷойи 2-юм ба Хайруллоев Алиҷон ва ҷойи 3-юм насиби Мадкамов Фахриддин гардид, ки ҳамаашон варзишгарони шаҳри Душанбе буданд.
Аз намуди тарзи озод байни бонувон дар масофаи 50 метр ҷойи аввал насиби Тюрина Анастасия, ҷойи 2-юм насиби Климык Карина ва ҷойи 3-юмро Бардачёва Екатерина соҳиб шуданд.

261

Ҳамчунин Мадкамов Фахриддин варзишгари Муассисаи давлатии «Мактаби махсуси варзишии захираҳои олимпии рақами 4 оид ба шиноварӣ»-и шаҳри Душанбе рекорди навро дар таърихи Тоҷикистон дар Чемпионати Ҷумҳурии Тоҷикистон оид ба шиноварӣ бо натиҷаи 0,26,86 гузошт.
Мавриди қайд аст, ки баъди иштирок дар ду ҷамъомади машқӣ - варзишӣ, ки аз ҷониби Федератсияи миллии шиноварии Ҷумҳурии Тоҷикистон дар шаҳри Хуҷанд баргузор гардид, натиҷаҳои варзишгарон хело хуб гардидааст.
Кормандон ва варзишгарони Муассисаи мазкур ба роҳбарияти Федератсияи миллии шиноварии Ҷумҳурии Тоҷикистон барои чунин дастгириҳои пайваста изҳори сипосу минатдорӣ намуданд.

258260259

Дар хотима, ғолибони Чемпионати Ҷумҳурии Тоҷикистон оид ба шиноварӣ аз ҷониби сардори РВКД дар вилояти Суғд генерал-майори милитсия Назарзода Қудратулло Бобо, муовини Раиси вилояти Суғд Баҳоваддин Баҳодурзода ва мушовири Вазири корҳои дохилӣ полковники милитсия Ҷураев Ориф Олтинович бо Диплом, медал ва Ифтихорномаҳо сарфароз гардонида шуданд.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика