Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ислоҳоти милитсия амалӣ мегардад

29

Тавре ки ҳамагон огоҳӣ доранд, ҳанӯз 19 марти соли 2013 бо фармони Президенти мамлакат “Стратегияи ислоҳоти милитсияи Ҷумҳурии Тоҷикистон барои солҳои 2013-2020” тасдиқ гардид. Дар асоси Стратегияи мазкур Барномаи ислоҳоти (рушди) милитсия ва нақшаи иҷрои он таҳия гардида, бо Қарори Ҳукумати Ҷумҳурии Тоҷикистон аз моҳи майи соли 2014 тасдиқ карда шуданд.
Тибқи Низомнома дар бораи Шӯроҳои ҷамъиятӣ оид ба мусоидати ҷомеаи шаҳрвандӣ соли 2015 ҳайати Шӯроҳои ҷамъиятии назди ВКД, РВКД дар ВМКБ, РВКД дар шаҳри Душанбе ва вилоятҳои Хатлону Суғд, ноҳияҳои минтақаи Рашт ва Кӯлоб ба фаъолият шурӯъ карданд. Аз ҷумла Шӯрои ҷамъиятии назди РВКД Ҷумҳурии Тоҷикистон дар вилояти Хатлон пайваста бо аҳолӣ дар ҳамбастагӣ бо мақомоти корҳои дохилӣ мулоқоту вохӯриҳо доир менамоянд.
Чунин як мулоқоти муфид бо ширкати раиси Шӯрои ҷамъиятӣ Лоҳутӣ Шоҳназаров, муовини раиси Шӯро Асалмо Сафарова, роҳбари гурӯҳи корӣ Шаҳриёр Баротов, муовини сардори ШВКД дар ноҳияи Қубодиён бо аҳолии ноҳияи мазкур баргузор гардид.
Дар ҷамъомад доир ба ҳадафҳои Шӯрои ҷамъиятӣ, вазифаҳои Шӯрои ҷамъиятӣ, ҳуқуқҳои аъзоёни Шӯрои ҷамъиятӣ ва Низомномаи Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия сухан ронданд. Аз ҷумла таъкид гардид, ки дар шаҳру ноҳияҳо низ Шӯроҳои ҷамъиятӣ бояд фаъолнокӣ нишон диҳанд.

3031

Вазифаҳои Шӯрои ҷамъиятӣ пеш аз ҳама мусоидат намудан ба мақомоти корҳои дохилӣ дар пешгирӣ ва ошкор намудани ҷинояту ҳуқуқвайронкуниҳо, баланд бардоштани боварии аҳолӣ ба милитсия, таъмини иштироки мустақим ва ғайримустақими шаҳрвандон дар ҳамаи марҳилаи ислоҳоти милитсия мебошад, зикр гардид, дар ҷамъомад.
Ҳамин тавр оиди фаъолияти Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди РВКД Ҷумҳурии Тоҷикистон дар вилояти Хатлон сухан ронда таъкид доштанд, ки ба аҳолӣ фаҳмондану нишон додани симои аслии милитсия ҳамчун ҳимоятгару ҳомии халқ, коҳиш додани сатҳи коррупсионӣ, ба аҳолӣ фаҳмондани хатарҳои амалҳои гурӯҳҳои террористиву экстремистӣ ва мақсаду мароми ин душманони одаму олам мебошад. Чунин мулоқоти хотирмони Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди РВКД Ҷумҳурии Тоҷикистон дар вилояти Хатлон дар ноҳияи Дӯстӣ низ баргузор гардид.
Офоқ Қодириён

Вахшонаи Хатлонӣ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика