Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Чорабинӣ оид ба ислоҳоти милитсия дар ВМКБ

17

Баҳри амалигардонии ислоҳот дар сохтори мақомоти корҳои дохилӣ Фармони Президенти Ҷумҳурии Тоҷикистон “Дар бораи Стратегияи ислоҳоти милитсия барои солҳои 2013-2020”ба тавсиб расид. Ва дар ин замина Қарори Ҳукумати Ҷумҳурии Тоҷикистон “Дар бораи тасдиқи Барномаи ислоҳоти милитсия ва нақшаи чорабиниҳо оид ба тадбиқи он” низ тасдиқ гардид. 

1819

Дар самти амалигардонии Фармон ва Барномаи мазкур дар ВМКБ як қатор корҳо ба сомон расонида шуд. Аз ҷумла, Шӯрои ҷамъиятӣ оид ба ислоҳоти милитсия ба фаъолият шурӯъ кард. Илова бар ин дар давраи фаъолияташ оиди ислоҳоти милитсия пайваста дар шаҳру ноҳияҳо бо мардум суҳбату вохӯриҳо доир менамоянд. Бо ташаббуси роҳбарияти ВКД ва дафтари Созмони Амният ва Ҳамкории Аврупо дар Тоҷикистон дар меҳмонхонаи «Сирена»-и шаҳри Хоруғ оиди ислоҳоти милитсия чорабинӣ доир гардид. Ин чорабиниро Раиси Шӯрои ҷамъиятӣ дар назди РВКД дар ВМКБ Манучеҳр Холиқназаров оғоз бахшида оиди корҳои ба анҷомрасонидаи Шӯрои ҷамъиятӣ суханронӣ намуд.
Сипас, муовини сардори РВКД дар ВМКБ полковники милитсия Мирзомуродзода Рустам баромад намуда, қайд кард, ки дар партави сиёсати хирадмандона ва бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон ва ҷаҳду талоши роҳбарияти Вазорати корҳои дохилӣ дар давоми чанд соли охир дар миқёси ҷумҳурӣ бинову иншоотҳои макомоти корҳои дохилӣ бунёд ва таъмиру азнавсозӣ гардида, айни замон сохтмони иншоотҳои хурду калони маъмурию хизматии ВКД идома доранд.

2021

Ҳамчунин зикр карда шуд, ки ҳадаф аз тадбиқи ислоҳоти милитсия ин ҳамкории боз ҳам наздик бо аҳолӣ, афзудани эътимоду боварии халқ ба ин ниҳоди калидӣ, таъмини шаффофият дар кору фаъолият ва муборизаи дастаҷамъона бо ҷинояткорӣ мебошад.
Мавриди қайд аст, ки дар ин чорабинӣ аъзоёни Шӯрои ҷамъиятӣ оид ба ислоҳоти милитсия аз шаҳру ноҳияҳои ВМКБ ҷамъ омада, дар ин барнома фикру андешаҳои худро баён намуданд. Дар фарҷоми ҷамъомад доир ба амалишавии ин барнома таклифу пешниҳодҳо иброз гаштанд.
Абдулмӯъмини Зайниддин, Далер Чоршанбе, ВМКБ.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика