Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Таъмини ҳимояи ҷабрдидагони зӯроварӣ дар оила

7-уми сентябри соли 2017, дар шаҳри Панҷакенти вилояти Суғд бо дастгирии молиявии Дафтари барномавии САҲА дар шаҳри Душанбе, семинар дар мавзӯи «Имкониятҳо барои ташкил кардани механизмҳои амалӣ барои ҳамкории байниидоравӣ дар байни мақомоти маҳаллӣ ва ҷомеаи шаҳрвандӣ дар таъмини ҳимояи ҷабрдидагони зӯроварӣ дар оила» баргузор гардид.
Дар кори семинар Ҳамоҳангсози миллӣ оид ба ислоҳоти милитсияи ВКД генерал-майори милитсия Шодмонзода Фарҳод Алиёр, муовини раиси шаҳри Панҷакент Азимӣ З., корманди Дафтари барномаҳои САҲА дар шаҳри Душанбе Маҳбуба Мамадатохонова, намояндагон аз Шӯъбаи занон ва оила, Комиссияи ҳифзи ҳуқуқи кӯдак, Раёсати тандурустӣ, шӯъбаи Кумитаи дин, Шӯъбаи ҷавонон ва варзиш, маориф ва ташкилотҳои ҷамъиятӣ ширкат варзиданд.
Хадаф аз баргузории вохурӣ, мубодилаи иттилоот дар бораи тасдиқ намудани ҳайати гурӯҳи кории байниидоравӣ оид ба кор бо ҳодисаҳои зӯроварӣ дар оила ва раванди кор оид ба имзои Ёддошти тафоҳум миёни субъектҳои ба қонуни пешгирии зӯроварӣ дар оила масъул, мубодилаи иттилоот дар бораи таҷрибаи имрӯзаи ҳамкории байниидоравӣ дар таъмини ҳимояи ҷабрдидагони зӯроварӣ дар оила-мушкилот ва дурнамои фаъолияти ташкилотҳои ҷомеаи шаҳрвандӣ, мақомоти корҳои дохилӣ, идораҳои тандурустӣ ва ҳифзи иҷтимоӣ, кумитаи кор бо занон ва оила ва дигар сохторҳо, баланд бардоштани иқтидори аъзоёни гурӯҳи корӣ оид ба кор дар сатҳи маҳал бо ҳолатҳои зӯроварӣ дар оила, мубодилаи таҷрибаи байналмилалӣ дар ин соҳа ва ғайра мебошад.

Семинари мазкурро бо сухани ифтитоҳӣ Ҳамоҳангсози миллӣ оид ба ислоҳоти милитсияи Вазорати корҳои дохилӣ генерал-майори милитсия Шодмонзода Фарҳод Алиёр оғоз намуда, изҳор дошт, ки таъсис додани механизми самараноки иҷроиши Қонуни Ҷумҳурии Тоҷикистон «Дар бораи пешгирии зӯроварӣ дар оила», бозравонии ҷабрдидагони зӯроварии хушунати оилавӣ ба субъектони қонуни мазкур, ҳимояи ҳуқуқҳои қурбониёни зӯроварӣ дар оила, яке аз масъалаҳои доғи рӯз маҳсуб меёбанд.
Мавсуф қайд кард, ки пешгирии зӯроварӣ дар оила ва ҳимояи ҳуқуқҳои инсон, яке аз ҳадафҳои стратегии ислоҳоти милитсия ба шумор рафта, дар ин самт Вазорати корҳои дохилӣ пайваста чораҳои зарурӣ меандешад.
Дар ин раванд бо Фармони Вазорати корҳои дохилӣ аз 20 апрели соли 2016 Дастурамал «Дар бораи ташкили кор ва эътинои кормандони милитсия дар ҳолатҳои зӯроварӣ дар оила» тасдиқ гардида, дар ин самт фаъолият дуруст ба роҳ монда шудааст.
Қобили қайд аст, ки имрӯз дар 14 шаҳру ноҳияҳои ҷумҳурӣ утоқҳои кории нозир оид ба пешгирии зӯроварӣ дар оила таъсис дода шуда, ҳуҷраҳои корӣ бо тамоми таҷҳизотҳои зарурӣ ва техникӣ пурра муҷаҳҳаз гардидаанд. Вазорати корҳои дохилӣ тасмим гирифтааст, ки дар ояндаи наздик дар тамоми шаҳру навоҳии кишвар утоқҳои кории нозир оид ба пешгирии зӯроварӣ дар оиларо таъсис диҳад, афзуд ӯ.

Дар ҷараёни чорабинӣ ҳамчунин муовини раиси шаҳри Панҷакент хонум Азимӣ З., дар мавзӯи « Муайян намудан ва кӯмак расонидан ба чабрдидагони зӯроварӣ дар оила - нақши муассисаҳои маҳаллии ҳокимияти давлатӣ», Раиси ташкилоти ҷамъиятии «Занони шарқ» Фотима Шарипова оид ба «Муҳокимаи вазъи кор доир ба тайёр кардани Ёддошти тафоҳум ва нақшаи солонаи ҳайати гурӯҳи корӣ оид ба мубориза бо зӯроварӣ дар оила», корманди ташкилоти ҷамъиятии «Фемида» Саноат Солиева дар хусуси «Дарки муҳимияти муносибати биёрҷониба дар ҳалли мушкилоти зӯроварӣ дар оила, беҳтарин таҷрибаи байналмилалии ташкили механизми ҳамкорӣ ва гурӯҳҳои кории байнисоҳавӣ барои расонидани кӯмак ва ҳимояи ҷабрдидагони зӯроварӣ дар оила» ва дигарон муфассал баромад намуданд.
Дар хотимаи семинар миёни иштирокдорон машварат доир гардида, ҳайати корӣ ҷиҳати дар амал татбиқ гардидани ҳадафу маром андешаҳои судманд иброз доштанд.
Рухшона Шукурова 


You have no rights to post comments



Рӯйдодҳо

  • Фаъолияти Шӯрои собиқадорони МКД дар партави Паём

    Зимни як ҷаласа бо иштироки фаъолони Шӯрои созмони собиқадорони МКД ....

    29.01.2020 14:14
  • Вохӯрӣ бо ҷавонони фаъол дар ноҳияи Рӯдакӣ

    Рӯзи 28-уми январи соли 2020 дар қасри Фарҳанги ноҳияи Рӯдакӣ ....

    29.01.2020 14:08
  • Кордзанӣ аз сабаби муноқишаи ба миён омада

    Рӯзи 27-уми январи соли 2020, тахминан соатҳои 21:30-дақиқа, ба беморхонаи ....

    29.01.2020 13:39
  • Даст ба ғоратгарӣ задани марди қаблан судшуда

    Ба ШВКД-1 дар ноҳияи Синои шаҳри Душанбе бо ариза зани ....

    29.01.2020 13:37
  • Ошкор шудани ҷиноятҳои дуздӣ дар шаҳри Конибодом ва ноҳияи Ҷ.Балхӣ

    Ба ШВКД дар шаҳри Конибодом бо ариза зани 48-солаи сокини ....

    29.01.2020 13:36
  • Ташкили фоҳишахона бар ивази мукофотпулӣ

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи ....

    29.01.2020 13:34
  • Музоядаи фуруши аломатҳои бақайдгирии давлатии воситаҳои нақлиёт

    Музоядаи фуруши аломатҳои ба қайдгирии давлатии воситаҳои нақлиёт

    28.01.2020 17:23
  • Семинар-машварат барои кормандони Хадамоти шиносномавию бақайдгирӣ

    Бо ташаббуси роҳбарияти Хадамоти шиносномавию бақайдгирии ВКД ва РВКД дар ....

    28.01.2020 15:53
  • Рушди ҳамкориҳои мақомоти корҳои дохилӣ бо ҷомеа

    Рӯзи 28-уми январи соли 2020 сардори ШВКД дар ноҳияи Нӯробод ....

    28.01.2020 14:36
  • Ошкор шудани дуздии маблағу ҳуҷҷатҳо аз дохили сандуқи чӯбин

    Ба ШВКД-2 дар ноҳияи Синои шаҳри Душанбе бо ариза марди ....

    28.01.2020 09:21
  • 

    Гӯшаи эълон ва озмунҳо

  • Эълон! Занону духтарони дӯзанда ба кор ҷалб карда мешаванд!

    Рӯзи 22-юми ноябри соли 2019 бо иштироки Асосгузори сулҳу ваҳдати ....

    28.11.2019 11:53
  • Ба таваҷҷуҳи ронандагон!

    Раёсати БДА ВКД Ҷумҳурии Тоҷикистон ба диққати шаҳрвандон, алалхусус ронандагони ....

    22.11.2019 14:39
  • ЭЪЛОН! Озмуни ҷумҳуриявии расми беҳтарини кӯдакона

    Озмуни ҷумҳуриявии расми беҳтарини кӯдакона дар мавзӯи бехатарии ҳаракат дар ....

    18.11.2019 09:46
  • Эълон! Мизи мудаввари ҷумҳуриявӣ дар мавзӯи «Баланд бардоштани иқтидори ҳамкории ....

     Аз 3-юм то 5-уми октябри соли 2019 бо ташаббуси Ҳамоҳангсози ....

    02.10.2019 14:17
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика