Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дар қаламрави ҷумҳурӣ амалиёти «Пиёдагард» идома меёбад

Ҷиҳати иҷрои дастуру супоришҳои роҳбарияти ВКД Ҷумҳурии Тоҷикистон, Раёсати БДА ба диққати ҳамаи иштирокчиёни ҳаракат дар роҳ, махсусан пиёдагардон мерасонад, ки то 2-юми апрели соли ҷорӣ дар қаламрави ҷумҳурӣ амалиёти «Пиёдагард» идома меёбад.

Мақсад аз гузаронидани амалиёти пиёдагард ин пеш аз ҳама пешгирии ҳодисаҳои роҳу нақлиёт бо иштироки пиёдагардон, ошкор ва пешгирӣ намудани қоидавайронкуниҳои ҳаракат дар роҳ, ки аз тарафи пиёдагардон ва ронандагон содир мешаванд.
Ронандагоне, ки ба пиёдагардон дар ҷойҳои муқарраргардида роҳ намедиҳанд ё пиёдагардоне, ки аз ҷойҳои муайян нагардида роҳро мегузаранд ба ҷавобгарии маъмурӣ ҷалб карда мешаванд.
Омили дигаре, ки дар ин самт тайи солҳои охир мушоҳида мешавад, бархе пиёдагардон ҳангоми убур намудани роҳи автомобилгард бо телефони мобилӣ суҳбат менамоянд ё аз гӯшмонакҳо истифода мебаранд, ки ин хавфи ҳодисаи нақлиётиро зиёд менамояд. Зеро ҳангоми истифодаи телефони мобилӣ пиёдагард ба суҳбат ё мусиқии телефон банд шуда, қоидаҳои ҳаракат дар роҳро сарфи назар менамояд.
Аз шаҳрвандони ҷумҳурӣ даъват ба амал оварда мешавад, ки дар ташкил ва гузаронидани чорабинии мазкур фаъол бошанд.
Талаботи қоидаҳои ҳаракат дар роҳро риоя намуда, ҳаёти худ ва дигар иштирокчиёни ҳаракат дар роҳро зери хатар нагузоранд.

 

Қурбонзода Акбар,
сардори Шуъбаи ташвиқоту тарғиботи РБДА ВКД,
полковники милитсия.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика