Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дар Хуҷанд 7 терминали пулгузаронӣ ҳадафи дуздон қарор гирифт

1192

Дар натиҷаи чорабиниҳои оперативӣ-ҷустуҷӯӣ кормандони Шуъбаи ВКД дар шаҳри Хуҷанд чеҳраи ҷинояткоронеро бе парда сохт, ки терминалҳои пулгузарониро ҳадаф қарор дода буданд. Бародарон Абдуманоновҳо: Сайҳун соли таваллудаш 1993, Абдумаҷид соли таваллудаш 1999 ва ҳаммаслаки онҳо Ҷӯраев Суҳроб Саидҷонович, соли таваллудаш 2002, истиқоматкунандагони шаҳри Хуҷанд, давоми моҳи декабри соли 2020 то рӯзи дастгир шудан аз ҷониби кормандони милитсия, шаби 1 ба 2-юми январи соли ҷорӣ бо роҳи кушодани сарпӯш аз 7 терминали пулгузаронии дар ҳудуди маҳаллаҳои 13, 18, 20 ва 28-уми шаҳри Хуҷанд ҷойгирбуда, маблағи пулӣ тасарруф кардаанд.
Дуздиҳо асосан шабона содир шуда, гумонбаршудаҳо дар ҳайати гурӯҳ бо маслиҳати пешакӣ, бо истифодаи асбоби металии мехкашӣ сарпуши терминалро кушода, дастгоҳи пулқабулкунӣ ба истилоҳ “КЕШ-код”-ро тасарруф баъди ба даст овардани маблағи чамъшуда ҳамчун ашёи нолозим “КЕШ-код”-ро мепартофтанд. Аз кирдори ба ҷомеа хавфнок дар баробари пули нақд ба ташкилотҳои соҳибмулк аз ҷумла ҶСК “Бонки Эсхата”, ҶДММ ТАҚҲ “Душанбе ситӣ”, ҶДММ “Экспрес пей” зарари молумулкии техникӣ расонида шудааст.
Бо ҳисоби зарари техникӣ ва пули тасарруфшуда аз чапдастии иттифоқи сегона камтарин зарар 2 760 сомонӣ ва аз ҳама бештар зиёда аз 12 ҳазор сомониро ташкил медиҳад. Масалан, санаи 14-уми декабр аз терминали назди мағозаи “Доро”, воқеъ дар кӯчаи Рифъат Ҳоҷиеви шаҳри Хуҷанд гумонбаршудаҳо 7 518 сомонӣ тасарруф карда, дастгоҳҳои ҳисоб ва қабули пул маҷмуан 4 953 сомонӣ арзиш доштаи терминалро шикаста корношоям кардаанд. Ё ин ки, бо ҳамин шева дар назди мағозаи “Сафия”, воқеъ дар маҳаллаи 28-ум зиёда аз 6 ҳазор сомонӣ тасарруф ва 4 900 сомонӣ зарари техникии молу мулкӣ расонидаанд.
Ҳайф аст вақте ҷавонон бо содир намудани ҷиноят худро бадном карда қобилияту тавоноиашонро на дар амалу рафтори шоиста, балки дар кирдори барои ҷомеа хавфнок нишон медиҳанд.
Нисбати иттифоқи сегона тибқи талаботи моддаи 244 Кодекси ҷиноятӣ парвандаи ҷиноятӣ оғоз гардида, тафтишот идома дорад.

Акбар Шарифӣ, майори милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика