Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Бори каҷ ба манзил намерасад

1170

Дуздӣ амали хилофи қонун ва нангин буда, нафароне, ки даст ба ин кирдор задаанд, то охири умр бори гарони шармандагиву тамасхури ҷомеаро ба дӯш хоҳанд гирифт.
Аз ҳама таассуфовараш ин аст, ки ин тоифа дар паи рафтори зишташон аҳли оила ва наздиконашонро низ пеши мардум сархаму бадном мекунанд.
Ду нафар аз сокинони ноҳияи Ҷалолиддини Балхӣ, ки чанд муддат даст ба дуздии чорвоҳои калони шохдори шаҳрвандон задаанд ва бо ин кирдорашон ба ҷабрдидагон зарари ҷиддӣ расонидаанд, аз ҷониби кормандони милитсия дастгир карда шуданд.
Нажмуддинов Кароматулло, соли таваллудаш 1996, қаблан бо моддаи 244 Кодекси ҷиноятии Ҷумҳурии Тоҷикистон ба ҷавобгарии ҷиноятӣ кашида шудаю адои ҷазо кардааст ва Салимов Ҳафизулло, соли таваллудаш 1992, сокинони ҷамоати деҳоти Ҳалеварди ноҳияи Ҷ.Балхӣ мебошанд.
Ин ду нафар бо маслиҳати пешакӣ, шабона вориди заминҳои хоҷагии деҳқонии ҷамоати деҳоти Ҳалеварди ноҳияи мазкур гашта, бо тариқи пинҳонӣ аз набудани одамон истифода намуда, 3 сар чорвои калони шаҳрвандонро рабуда, маблағи ба даст овардаашонро дар эҳтиёҷоти шахсияшон сарф кардаанд.
Зарари расонидаашон ба сокинон 18 000 сомониро ташкил медиҳад.

1171

Беҳуда нест, ки мегӯянд бори каҷ ба манзил намерасад ва ҳар як ҷиноят дар пай ҷазо дорад.
Нисбати гумонбарон дар шуъбачаи тафтишотии ШВКД дар ноҳияи Ҷ.Балхӣ парвандаи ҷиноятӣ бо моддаи 244 қисми 2 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

Офоқ Қодириён




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика