Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рух додани якчанд садамаи нақлиётии марговар дар ҳудуди ноҳияҳои Хуросон, Данғара ва Қубодиён

Рӯзи 20-уми октябри соли 2020, тахминан соати 18:30-дақиқа ронандаи автомашинаи тамғаи «Тайота-Каролла», Ҷумъаев Равшан Юлдошевич, соли таваллудаш 1965, сокини ҷамоати деҳоти С.Айнии ноҳияи Хуросон ҳангоми ҳаракат кардан аз самти шаҳри Душанбе ба самти шаҳри Бохтар, дар 71,5-ум километр ҳудуди ҷамоати деҳоти мазкур аз уҳдаи идораи воситаи нақлиёт набаромада, пиёдагард, Азизов Раҳимҷон Эшматович, соли таваллудаш 1968, сокини ҷамоати деҳоти Ҳилолии ҳамин ноҳия гирифтори бемории рӯҳӣ бударо пахш намудааст. Дар натиҷа пиёдагард, Азизов Р.Э. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Санаи 20-уми октябри соли 2020, тахминан соати 18:20-дақиқа ронандаи автомашинаи тамғаи «Тайота-Ландкрузер», Шункиева Гулхумор Шункиевна, соли таваллудаш 1963, ҷамоати деҳоти Сомониёни ноҳияи Рӯдакӣ ҳангоми ҳаракат кардан дар шоҳроҳи “Душанбе-Кулоб”, дар 90,2-ум километр аз уҳдаи идораи воситаи нақлиёт набаромада, автомашинаро ба канали обгузар чаппа кардааст.
Дар натиҷа худи ронанда, Шункиева Г.Ш. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. Мусофири автомашинаи мазкур Исмоилова Тухтахон Айтақуловна, соли таваллудаш 1957, сокини ноҳияи мазкур ҷароҳати ҷисмонӣ бардошта, дар беморхона бистарӣ гардидааст.
Ҳамин тариқ санаи 21-уми октябри соли 2020, тахминан соати 16:30-дақиқа ронандаи автомашинаи тамғаи «Опел-Астра», Эшматов Абдумурод Донабоевич, соли таваллудаш 1990, сокини ҷамоати деҳоти 20-солагии Истиқлолияти ноҳияи Қубодиён ҳангоми ҳаракат кардан аз самти ноҳияи Шаҳритус ба самти ноҳияи Қубодиён, дар ҳудуди ноҳияи мазкур аз уҳдаи идораи воситаи нақлиёт набаромада, велосипедрон, Холдоров Ҳасан Ҳазратқулович, соли таваллудаш 1960, сокини ҷамоати деҳоти 20-солагии Истиқлолияти ҳамин ноҳияро пахш намудааст.
Дар натиҷа велосипедрон, Холдоров Ҳ.Ҳ. ҷароҳати вазнини ҷисмонӣ бардошта, дар беморхона ба ҳалокат расидааст.
Аз руи ин ҳодисаҳо таҳқиқот идома дорад.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonuno

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика