Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Хатлон: Боздошти ронандаи фирорӣ

1004

Риоя накардани талаботи қоидаҳои ҳаракат дар роҳ ва рух додани садамаҳои нақлиётӣ ба оқибатҳои вазнин оварда мерасонад.

Фирор намудан аз ҷои ҳодиса ва дидаю дониста нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад, ҷавобгарии ронандагонро назди қонун сангинтар мегардонад.
Чунин як ҳодисаи мудҳиш санаи 6-уми августи соли 2020, тахминан соатҳои 19:50-дақиқа, дар ноҳияи Шаҳритузи вилояти Хатлон ба вуқуъ пайваст.
Менглиев Журабек, соли таваллудаш 1988, ҳангоми харакат дар ҳудуди роҳи автомобилгарди маҳаллаи аҳолинишини деҳаи Чинор, ҷамоати деҳоти Холматов, дар ҳолати мастӣ дар пушти чанбараки автомашинаи тамғаи «Опел-Астра», рақами қайди давлатиаш 96-70 АМ 03 қарор доштанаш, суръати ҳаракати воситаи нақлиётро аз меъёри муқарраргардида зиёд намуда, бо қисми пеши автомобил сараввал ба як сар чорвои калони шохдор бармехӯрад, ва пас аз бархӯрд ба қисмати канори рости роҳ баромада, чор нафар аз пиёдагардон, сокинони деҳаи Чинорро бо қисми пеши автомобилаш зада пахш менамояд, ки ин нафарон бо гирифтани ҷароҳатҳои гуногуни ҷисмонӣ ба саломатияшон, дар ҷои ҳодиса ба ҳалокат мерасанд.
Инчунин, ронандаи автомобили мазкур Менглиев Журабек баъди содиршавии садамаи нақлётии марговар нақлиёташро партофта ва ба ҷароҳатгирифтагон ёрӣ нарасонида, аз ҷои ҳодиса ғайб мезанад.
Вобаста ба ҳолати мазкур ҷиҳати муайян намудани ронандаи фирорӣ аз ҷониби кормандони ШВКД корҳои дохилӣ дар ноҳияи Шаҳритуз як қатор чорабиниҳои оперативӣ-ҷустуҷӯӣ роҳандозӣ карда шуда, дар натиҷа гумонбаршуда боздошт ва нисбаташ дар Шуъбаи тафтишотии РВКД дар вилояти Хатлон парвандаи ҷиноятӣ бо моддаҳои 212 қисми 5 ва 127 қисми 3 банди «а» Кодекси ҷиноятии ҶТ оғоз карда шуда, тафтишот идома дорад.
Офоқ Қодириён




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика