Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Муносибати бераҳмона нисбати хурдсолон беҷазо намемонад!

554

Баъди тавассути алоқаи "Хабарнигори фаврӣ"-и ВКД ба милитсия дастрас гардидани наворҳо оиди латукуб ва азият шудани ду кӯдак аз ҷониби нафари шахсияташ номаълум, ки аз рӯи лаҳни гуфтугӯ ба мардуми минтақаи Суғд шабоҳат дошт, мақомоти милитсия бо мақсади пешгирӣ аз ин ҳолати номатлуб, ки воқеъан дар хатар будани ҳаёту саломатии кӯдаконро инъикос мекард, чорабиниҳои оперативӣ-ҷустуҷӯӣ гузаронида, шахсияти иҷрокунандаи ҳаракатҳои бераҳмона ва муаллифи наворро ошкор сохт. Ӯ шаҳрванд Иномзода Фирдавс Аббос, соли таваллудаш 1986, зода ва истиқоматкунандаи шаҳри Хуҷанд, падари ду фарзанд аст, ки дар содир намудани ҷинояти дар моддаи 117 қисми 2 Кодекси ҷиноятии Ҷумҳурии Тоҷикистон пешбинишуда (азобу укубат) гумонбар дониста мешавад. Бо усули зуроварӣ ва истифодаи олоти ҷароҳатрасонанда гумонбаршаванда бо кӯдакони хурдсоли худ Илҳомҷони 7 сола ва Сумаяи 6 сола муносибати бераҳмона намуда, онҳоро мавриди лату кӯб қарор додааст. Дар ҳоле, ки баръало ноболиғу нотавон будани кӯдакон барои ӯ аён буд ва аз ҷиҳати моддӣ вобастагӣ доштанд.
Оиди шахсияти гумонбаршуда Фирдавс Иномзода гуфтан ҷоиз аст, ки қаблан соли 2017 барои ба муомилот баровардани асъори қалбакӣ суд шудааст.
Пайдо шудани наворҳои истиробангез дар шабакаҳои иҷтимоии интернетӣ нафрат ва нороҳатии шадидро байни ҷомеа бавуҷуд овард. Тавре милитсия муайян намуд кӯдакон қурбонии муносибатҳои носолими оиладорӣ гаштанд. Падару модари онҳо дар ҳолати номуросоӣ зиндагӣ дошта, модар дар муҳоҷират қарор дорад. Гумонбаршуда Фирдавс Иномзода тавре нишондод медиҳад, барои бекор кардани ақди никоҳ ин усули ҳассосу таъсиррасонандаро, ки ҷиноят аст истифода кардааст. Ҳамзамон гумонбаршуда, гирифтани маблағ аз ҳамсари муҳоҷири худро тасдиқ мекунад, ки гӯё барои тарбияи фарзандон истифода карда бошад.

556555557

Воқеан хурдсолон, ки дар доираи парвандаи ҷиноятӣ ҷабрдида эътироф шудаанд ба кӯдакони аз таъминоти моддӣ ва тарбия бебаҳра монандӣ надоранд. Ба фарзияи тафтишот номуросоӣ байни падару модари онҳо ва навори дар интернет паҳнгашта кӯдаконро дар чашми мардум азиятдида ва муҳтоҷи ғамхорию парасторӣ нишон медиҳад.
Маркази матбуотии Раёсати ВКД дар вилояти Суғд рафти тафтиши пешакӣ ва мурофиаи судии ҳодисаи ҷиноятиро пайгирӣ хоҳад кард.

Акбар Шарифӣ, майори милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика