Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ошкор шудани қаллобии «табиби халқӣ»

Ба ШВКД-2 дар ноҳияи Сино аризаи марди 33-солаи сокини кӯчаи Шамсии пойтахт дар он хусус ворид гардидааст, ки рӯзи 20-уми сентябри соли 2019, зани 37-солаи сокини ноҳияи Ҷ.Балхӣ, ки пеш бо моддаи 247 қисми 3 Кодекси ҷиноятии Ҷумҳурии Тоҷикистон суд шудааст, ба хонаи истиқоматиаш даромада, бо роҳи фиреб ба боварии ҳамсараш - зани 31-сола даромада, худашро «табиби халқӣ» муаррифӣ намуда, ӯро бовар кунонидааст, ки бо воситаи дуохонӣ дар маблағ ва ё ҷавоҳироти тиллоӣ ягон мушкилӣ дошта бошад, онро бартараф мекунад. 

Ҳамсараш ҷамъ ба маблағи 105 ҳазор сомонӣ ҷавоҳироти тиллоиашро пешниҳод мекунад, ки онро дуохонӣ карда, ба рӯймол печонида ба бадани ӯ мебандад, то ки хироҷи (кирми) баданашро резонад.
Баъдан, номбурда аз дохили рӯймол ҷавоҳиротро гирифта, ба ҷояш пахта пур карда ба бадани ҳамсараш мебандад ва мегӯяд, ки дар муддати ду соат рӯймолро аз баданаш накушояд, ки ӯ пас аз ду соат омада боз дуохонӣ мекунад.
Пасон, номбурда бо роҳи пинҳонӣ ҷавоҳироти тиллоиро гирифта, аз ҷойи ҳодиса ғайб задааст. Зарари расонидашуда 105 ҳазор сомониро ташкил медиҳад.
Ҳамчунин, номбурда рӯзи 12-уми ноябри соли 2019 бо ҳамин роҳ ба боварии зани 53-солаи сокини ноҳияи Сино даромада, аз ӯ 58 ҳазору 800 сомонӣ гирифта, аз ҷойи ҳодиса ғайб задааст.
Аз рӯи ҳодисаҳои мазкур тафтишот идома дорад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика