Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Барои ҳифзи Ватан ҳамеша омодаем!

122

Санаи 10-уми ноябри соли 2019 бахшида ба таҷлили Рӯзи таъсисёбии милитсияи тоҷик сардори Раёсати Вазорати корҳои дохилӣ дар минтақа ва ноҳияи Рашт генерал - майори милитсия Азизулозода Сафиало Азизуло бо афсарони Дастаи таъиноти махсуси милитсияи РВКД дар минтақа ва ноҳияи Рашт вохӯрӣ доир намуд.
Дар раванди вохӯрӣ Азизулозода С.А. ҳайати шахсии Дастаи таъиноти махсуси милитсияро бо ин рӯзи муборак таҳният гуфта, дар иҷрои вазифаҳои хизматиашон барору комёбиҳо таманно намуд.
Зикр гардид, ки Дастаи таъиноти махсуси милитсия дар набарду муборизаҳои вазнин аз мактаби шуҷоату мардонагӣ ва имтиҳону озмоишҳои сангин гузашта, донишу маҳорат ва малакаи касбӣ, шаклу усулҳои мухталифи кории худро такмил, бо техникаву таҷҳизотҳои муосир таъмин ва имрӯз ба як ниҳоди боэътимоди таъминкунандаи амнияти кишварамон табдил ёфтааст.
Хизмати содиқона, шуҷоат ва иродаи мустаҳками аъзоёни Дастаи таъиноти махсуси милитсияро Ҳукумати мамлакат ва роҳбарияти ВКД ҳамеша қадр мекунанд.
Дарки баланди ватандӯстӣ, эҳтиром ба давлату миллат буд, ки кормандони ин ниҳод дар муборизаҳои сангин дар минтақаҳои гуногуни кишвар иштирок карда, аз худ шуҷоату мардонагӣ нишон додаанд.

Дар хотимаи вохӯрӣ як зумра афсарони Дастаи таъиноти махсуси милитсия барои хизматҳои шоён дар мақомоти корҳои дохилӣ, таъмини тартиботи ҷамъиятӣ, амнияти шаҳрвандон, суботу оромии ҷомеа бо медалу тӯҳфаҳои арзишнок сарфароз гардонида шуданд.
Ҳамчунин барои тамоми ҳайати шахсии Дастаи мазкур дастурхони идона ороста шуд.
Гул Маҳбуба




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика