Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мулоқоти тарбиявӣ бо хонандагони Гимназияи №1 шаҳри Хуҷанд

475

Бо мақсади таъсир расонидан дар раванди камолоти маънавии наврасону ноболиғон масъулини ХПҲНҶ Раёсати ВКД дар вилояти Суғд бо таҳияи нақшаи алоҳидаи тарбиявӣ ба муассисаҳои таълимӣ ташриф оварда бо хонандагон суҳбатҳои озод мегузаронанд. Дар чунин мулоқотҳо намояндагони мақомоти корҳои дохилиро ҷавонони гурӯҳи “Авангард” ҳамроҳӣ мекунанд, ки бо ҳамсолони худ вохӯрда дар баробари аз муаммоҳои онҳо бохабар шудан тарзи ҳаёти солимро тарғиб менамоянд.
Ҳамингуна чорабинии тарбиявӣ бо иштироки роҳбарияти ХПҲНҶ Раёсати ВКД дар вилояти Суғд бо хонандагони синфҳои болоии Гимназияи №1 шаҳри Хуҷанд гузаронида шуд.
Пешгирии содиршавии ҳодисаҳои номатлуб аз қабили шомилшавии ҷавонон ба ҳизбу ҳарактҳои ифротӣ, содиршавии ҷиноят бо иштироки наврасону ҷавонон, паҳншавии бемориҳои сироятӣ, аз ҷумла вируси норасоии масъунияти одам, бемории пайдошудаи норасоии масъуният ва баланд бардоштани тарбияи ватандӯстии ҷавонон мавзуҳое буд, ки атрофи он муҳокимаронӣ сурат гирифт.
Аъзоёни гурӯҳи “Авангард” аз дастовардҳои Тоҷикистони соҳибистиқлол, ғамхориҳои Ҳукумати мамлакат нисбат ба ҷавонон ба ҳамсолони худ маълумот дода, некрафторию касбомӯзиро талқин намуданд.

476477

Намояндагони мақомоти корҳои дохилӣ меъёрҳои Қонунҳои амалкунандаро ба наврасон фаҳмонида бо мисолҳои воқеӣ аз ҳаёт ва амалу рафтори зидиҳуқуқии ҳамсолонашон маълумот доданд. Ба гуфти масъулин чунин тарзи корбари метавонад дар коҳиш ёфтани вазъи ҷинояткорӣ дар байни ноболиғон таъсир гузорад.

Акбар Шарифӣ
капитани милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика