Аз рӯзҳои 6-ум то 10-уми октябри соли 2018 дар шаҳри Орландаи Иёлоти Флоридаи Штатҳои Муттаҳидаи Америка Конференсияи байналмилалии ҳарсолаи Сардорони политсия баргузор гардида истодааст, ки ин конференсияи 125-умин буда, аз соли 1893 инҷониб ҳар сол доир карда мешавад.
Дар конференсияи мазкур зиёда аз 15 000 иштирокчӣ аз тамоми ҷаҳон ширкат меварзанд.
Ҳамзамон дар баробари баргузории конференсия Намоиши таҷҳизотҳои политсия барои мақомоти ҳифзи ҳуқуқ ва техникаи навтарин оид ба муайян ва тафтиши ҷиноятҳо доир карда шуд.
Дар конференсияи мазкур аз Вазорати корҳои дохилии Ҷумҳурии Тоҷикистон роҳбари Дастгоҳи Вазири корҳои дохилӣ полковники милитсия Машрабзода Ҷамшед Хол, сардори Раёсати кадрҳо ва кор бо ҳайати шахсии ВКД генерал-майори милитсия Рамазонзода Суҳроб Кароматулло, Ҳамоҳангсози миллӣ оид ба ислоҳоти милитсияи ВКД генерал-майори милитсия Шодмонзода Фарҳод Алиёр, сардори Сармаркази иттилоотӣ-таҳлилии ВКД полковники милитсия Боймаҳмадзода Музаффар, сардори Шуъбаи милитсия оид ба масъалаҳои экологии ВКД полковники милитсия Ализода Анварҷон Ҷума, сардори Хадамоти шиносномавию бақайдгирии ВКД полковники милитсия Юнус Бобозода Назар ва муовини роҳбари Дастгоҳи Вазири корҳои дохилӣ полковники милитсия Салимбойзода Довар Салимбой ширкат варзиданд.
Мавриди қайд аст, ки Конференсияи байналмилалии ҳарсолаи Сардорони политсия ҷиҳати васеъ гардидани имкониятҳо ва робитаи зичи касбӣ бо ҳамкорон дар тамоми гӯшаю канори олам мусоидат менамояд.
Мақомоти ҳифзи ҳуқуқ, аз он ҷумла политсия ба рушду тараққӣ ёфтани технологияи муосир таваҷҷӯҳи хоса зоҳир намуда, кӯшиш менамояд, ки аз пешравию навгониҳои техникӣ ақиб намонанд.
Гул Маҳбуба, подполковники милитсия.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>
