Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шиносоӣ бо рафти корҳои сохтмонӣ дар камераи васлгарӣ ва шахтаҳои обрасони НБО “Роғун”

1180

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҷараёни корҳо дар нақби нақлиётии Т-18, нақбҳои обрасони агрегатҳо ва шахтаҳои турбинаҳои Нерӯгоҳи барқи обии “Роғун”, ки бо суръат идома дорад, шинос шуданд.

Дар қитъаи дигари сохтмони иншооти обқабулкунаки доимии Нерӯгоҳ, аз ҷумла камераи васлгарӣ низ фаъолияти коргарону мутахассисон назаррас буда, то имрӯз ҳаҷми умумии корҳои нақбканӣ 58,2 ҳазор метри мукааб ва корҳои бетонпошӣ 9,8 ҳазор метри мураббаъ иҷро гардидааст.

Корҳои сохтмонӣ дар шахтаҳои турбинаҳо, нақби нақлиётии Т-18 ва нақбҳои обрасони агрегатҳо бо истифодаи техникаҳои пуриқтидору муосир ва ҷалби коргарону мутахассисони соҳибтаҷриба идома дорад.

Иттилоъ дода шуд, ки дар иншооти мазкур то имрӯз 67 ҳазору 877 метри мукааб корҳои нақбканӣ анҷом дода шуда, корҳои бетонхобонӣ ба 22 ҳазору 843 метри мукааб расидааст.

Коргарону мутахассисон дар иҷрои корҳои сохтмони шахтаҳои турбинаҳо ва нақбҳои обрасони агрегатҳо фаъолияти босамару натиҷабашх нишон медиҳанд.

Дар шахтаҳои амудӣ нақбкании фурнелҳо то сатҳи лозима анҷом дода шуда, барои кушодсозии шахтаҳои обрасон коргарону мутахассисон бо истифодаи техникаҳои замонавӣ пурсамар фаъолият мекунанд.

Дастрасии техникаю механизмҳои муосиру камназир барои иҷрои саривақтӣ ва босифати корҳои нақбканӣ, пармакунӣ то умқи бештар аз 200 метр ва кандани шахтаҳои турбинаҳо дар ин қитъаҳои сохтмонии муҳиму зарурии Нерӯгоҳи барқи обии “Роғун” мусоидат намуд.

Ҷамъияти саҳҳомии пӯшидаи “Заводи таҷрибавӣ-механики”-и шаҳри Норак, ки дорои техникаҳои муосири нақбканию пармакунӣ ва дигар механизмҳои зарурӣ мебошад, дар самти истеҳсоли маҳсулоти ивазкунандаи воридотии босифат ва ҷавобгуӣ стандартҳои байналмилалӣ низ нақши муҳим дорад.

Маҳсулоти истеҳсолнамудаи корхонаи мазкур дар сохтмони иншооту инфрасохтори Нерӯгоҳи барқи обии “Роғун” ба таври васеъ истифода мешавад.

Ишооти шахтаи ҳаводиҳанда аз тарафи институти “Гидропроект” лоиҳакашӣ шудааст. Барои иншооти мазкурро дар муҳлатҳои муайяншуда ба истифода додан, ширкатҳои ватанию хориҷӣ бо техникаву механизмҳои пуриқтидор ва замонавӣ ҷалб гардидаанд. Айни замон иншооти шахтаи ҳаводиҳии толори мошинҳо ва трансфарматорҳо ба кор омода мебошад.

Дар Нерӯгоҳи барқи обии “Роғун” коргарони соҳибкасбу баландихтисос, мутахассисони нақбкану пармагар, кафшергару васлгар солҳои охир ба камол расидаанд ва фаъолияти босамари онҳо дар қитъаҳои сохтмонӣ баръало ба назар мерасад.

Пешвои муаззами миллат муҳтарам Эмомалӣ Раҳмон ба фаъолияти созандаву бунёдкоронаи коргарону мутахассисон дар маҳалли сохтмони шахтаҳои турбинаҳо, нақбҳои обрасони агрегатҳо ва шахтаи ҳаводиҳӣ баҳои сазовор доданд.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика