Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рушди ҳамкориҳо дар самти ислоҳоти милитсия

392

Имрӯз (20.04.с.2018), муовини Вазири корҳои дохилӣ генерал-майори милитсия Умарзода Икром Ислом бо мушовир оид ба масъалаҳои мубориза бар зидди терроризм ва кор бо мақомотҳои ҳифзи ҳуқуқи Дафтари САҲА дар шаҳри Душанбе ҷаноби Дмитрий Капортсев вохӯрӣ доир намуд.
Дар вохӯрӣ ҳамчунин Ҳамоҳангсози миллӣ оид ба ислоҳоти милитсияи ВКД генерал-майори милитсия Шодмонзода Фарҳодбек, роҳбари Дастгоҳи Вазири корҳои дохилӣ полковники милитсия Машрабзода Ҷамшед Хол, афсари робита оид ба ислоҳоти милитсияи Тоҷикистон дар Дафтари САҲА Муҳаммадиев Ҳайдар Холович ва дигар шахсони расмӣ ҳузур доштанд.
Дар рафти вохӯрӣ ҷонибҳо рафти ислоҳоти милитсия дар Ҷумҳурии Тоҷикистон ва ҳамкориҳои минбаъдаро мавриди баррасӣ қарор доданд.
Муовини Вазири корҳои дохилӣ генерал-майори милитсия Умарзода Икром Ислом ба Созмони амният ва ҳамкорӣ дар Аврупо барои расонидани кӯмаки техникӣ, таъсис додани марказҳои ҳамкории милитсия бо ҷомеа ва ташкил намудани семинару тренингҳо дар доираи ислоҳоти милитсия изҳори миннатдорӣ намуд.
Дар навбати худ ҷаноби Дмитрий Капортсев изҳор дошт, ки Дафтари САҲА дар Тоҷикистон дар доираи Стратегия ва Барномаи ислоҳоти (рушди) милитсия барои солҳои 2013-2020 бо Вазорати корҳои дохилии Ҷумҳурии Тоҷикистон пайваста ҳамкорӣ менамояд. Мақомоти корҳои дохилӣ бояд бо техникаю таҷҳизоти замонавӣ муҷаҳҳаз бошад, зеро ки фароҳам овардани шароити мусоид боз як қадами нав дар татбиқи ислоҳоти милитсия мебошад.
Вохӯрӣ дар фазои дӯстӣ ва ҳамдигарфаҳмӣ ҳусни анҷом пазируфт.
Гул Маҳбуба, подполковники милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика