Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ бо муовини ёвари Котиби давлатии ИМА Генри Эншер

62

Рӯзи 3-юми феврали соли равон Вазири корҳои дохилӣ генерал-полковники милитсия Раҳимзода Рамазон Ҳамро бо муовини ёвари Котиби давлатии Иёлоти Муттаҳидаи Амрико Генри Эншер ва намояндагони Сафорати ИМА дар Тоҷикистон вохӯрӣ доир намуд.

60

Рамазон Раҳимзода Генри Эншерро ба кишвари офтобиву сайёҳии Тоҷикистон хайрамақдам гуфта, дар пешбурди фаъолияташон муваффақиятҳо таманно намуда, аз ҳамкориҳои судманди мутақобила, ки дар доираи Созишномаҳои баимзорасида амалӣ гардидаанд, арзи сипос намуд.
Зикр гардид, ки Вазорати корҳои дохилӣ паваста бо Сафорати ИМА дар ҳамкории хуб қарор дошта, барои кӯмаку дастгириҳои ҳамаҷонибаашон изҳори миннатдорӣ менамояд. Дар ин асно, чандин семинару тренингҳои омӯзишӣ барои омода намудани кадрҳои баландихтисос аз ҷониби мутахассисони Сафорати ИМА амалӣ гардиданд.
Инчунин, дар назди ВКД ва ҷузъу томҳои он, кормандони ғайриштатӣ, дружинаҳои ихтиёрӣ ва ҳуҷраҳои кории Шӯроҳои ҷамъиятӣ таъсис дода шудааст, ки яке аз самтҳои раванди ислоҳоти милитсияро дар бар мегиранд.
Муовини ёвари Котиби давлатии Иёлоти Муттаҳидаи Амрико Генри Эншер дар навбати худ аз ҳамкориҳои судманд ва мусоидат намудану дастгириҳои роҳбарияти ВКД арзи сипос намуда, қайд кард, ки мо ҳамеша омодаем, ки дар доираи созишномаҳои баимзорасида ва салоҳияти худ ҳарчи бештар барои омодасозии кадрҳои баландихтисос, ошкору пешгирии ҷинояту ҷинояткорӣ, бахусус ҷиноятҳои муосир кумак расонем.

61

Дар вохӯрӣ, ҳамчунин ҷонибҳо оид ба мубориза бо терроризм ва экстремизм, пешгирии ҷиноятҳои муташаккилона, гардиши ғайриқонунии маводи нашъаовар ва машваратҳои методию амалӣ ҷиҳати мубориза зидди ҷинояткорӣ ибрози андеша намуданд.
Дар хотима қаноатмандӣ изҳор гардида, ҷонибҳо иброз доштанд, ки минбаъд низ дастгириву ҳамкориҳоро рушд хоҳанд дод.
Раҷаббек ИЛЁСОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика