Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ оид ба масоили ҳифзи ҳуқуқи гурезаҳо ва шахсони паноҳҷӯянда

58

Рӯзи 2-юми феврали соли 2018, вохӯрии муовини Вазири корҳои дохилӣ генерал-майори милитсия Саидзода Маҳмадсаид Борон бо роҳбари Намояндагии Раёсати Комиссари Олии СММ дар Тоҷикистон ҷаноби Вито Трани баргузор гардид.
Дар вохӯрӣ, ҳамчунин сардори Раёсати ҳамкориҳои байналмилалии Вазорати корҳои дохилӣ полковники милитсия Абдуллозода Зумрад, муовини сардори Хадамоти шиносномавию бақайдгирии Вазорати корҳои дохилӣ полковники милитсия Сафаров Нуралӣ ва дигар шахсони расмӣ ҳузур доштанд.
Нахуст муовини Вазири корҳои дохилӣ генерал-майори милитсия Саидзода Маҳмадсаид Борон ба ҳамаи кормандони Намояндагии Раёсати Комиссари Олии СММ дар Тоҷикистон барои рушди ҳамкориҳои судманд ва манфиатбахш дар умури паноҳандагон ва ҳамчунин оид ба масъалаҳои омоданамоӣ, омӯзиш ва баланд бардоштани сатҳи касбии кормандони мақомоти корҳои дохилӣ изҳори миннатдорӣ намуд.
Зикр гардид, ки Ҳукумати Ҷумҳурии Тоҷикистон ҳамеша ба гурезаҳо ва шахсони паноҳҷӯянда таваҷҷӯҳи хоса зоҳир намуда, баҳри ҳимояи ҳифзи ҳуқуқ ва амнияти онҳо тадбирҳои зарурӣ меандешад.
Риояи меъёрҳои асосии инсондӯстӣ нисбати гурезагон ва паноҳҷӯяндагон, аз он ҷумла, истифодаи ҳамаи ҳуқуқҳои шаҳрвандӣ, ки дар Эъломияи умумии ҳуқуқи башар дарҷ гардидаанд, кафолат дода мешаванд.
Дар ин радиф мақомоти корҳои дохилӣ омода аст бо Намояндагии Раёсати Олии Комиссариати СММ оид ба гурезаҳо дар Тоҷикистон дар чаҳорчӯби қонунгузорӣ ҳамкорӣ намояд.

59

Ҷонибҳо дар ҷараёни мулоқот ҷиҳати боз ҳам мустаҳкам намудани ҳамкориҳо дар соҳаи таъмини амният ва рушди муносибатҳои дуҷониба фикру мулоҳизаҳои худро иброз дошта, таклифҳои судманд пешниҳод намуданд.
Дар навбати худ роҳбари Намояндагии Раёсати мазкур ҷаноби Вито Трани барои пазироии самимӣ ва ҳамкориҳои мутақобилан судманд ба роҳбарияти Вазорати корҳои дохилӣ изҳори миннатдорӣ баён намуд.
Гул Маҳбуба, подполковники милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика