Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯри бо мақсади рушди ҳамкорӣ

140

Ҳафтаи сипариградида дар маҷлисгоҳи Кумитаи иҷроияи ҲХДТ дар шаҳри Исфара бо мақсади рушди ҳамкорӣ бо иштироки ҳайати роҳбарикунандаи мақомоти корҳои дохилии вилояти Суғд ва вилояти Бодкени Ҷумҳурии Қирғизистон мизи мудаввар доир гашт.
Ин дидор бо дархости ҷонибҳо ташкил ва ҳадафи асосии он ҳамкории дуҷониба дар самти пешгирӣ, ошкорнамоӣ ва мубориза бар зидди ҷинояткорӣ, мубодилаи ахбор баҳри таъмини тартиботи ҷамъиятӣ ва суботу амният дар кишварҳои дӯсту ҳамсоя арзёбӣ гардид.
Ҷониби Тоҷикистонро сардори Раёсати ВКД дар вилояти Суғд генерал - майори милитсия Назарзода Қудратулло Бобо, сардорони шуъбаҳои наздисарҳадии Вазорат дар ноҳияи Б.Ғафуров, шаҳри Исфара ва командири Дастаи таъиноти махсуси милитсияи вилоят намояндагӣ мекарданд.

141

Ҳайати меҳмонон таҳти роҳбарии сардори Раёсати ВКД Ҷумҳурии Қирғизистон дар вилояти Бодкен полковники милитсия Тагаев Ашим Гаппарович, сардори шуъбаи ташкилӣ-нозиротӣ, командири Воҳиди махсуси зудамали ҳамин Раёсат ва сардорони шуъбаҳои милитсияи наздисарҳадии ноҳияҳои Бодкен ва Лейлек ташриф оварданд.
Нахуст сардори раёсати ВКД дар вилояти Суғд генерал-майори милитсия Назарзода Қудратулло Бобо ҳайати меҳмононро ба Ҷумҳурии Тоҷикистон хайрамақдам гуфта, аз ҳамкориҳои натиҷабахши мақомоти корҳои дохилии ҳарду ҷониб, ки сол ба сол густариш меёбанд изҳори қаноатмандӣ намуд. Мавсуф зикр дошт, ки чунин таҷриба самараи дилхоҳ оварда, дар натиҷаи ҳамкории милитсияи Қирғизистону Тоҷикистон борҳо нақшаи хатарноки ҷинояткорон маҳв ва афроди ба ҷомеа хавфнок дастгир шудаанд.
Бо таъкиди сардори Раёсати ВКД Ҷумҳурии Қирғизистон дар вилояти Бодкен полковники милитсия Тагаев А.Г., тақвият ёфтани ҳамкорӣ ба манфиати ҳарду ҷониб буда, имкон медиҳад милитсия рисолати бар душ доштаро иҷро намояд. Қасди ҷинояткоронро барҳам занад, амнияту суботро, ки омили асосии пешрафту тараққиёти давлатҳост таъмин созад.
Дар ҷараёни вохӯрӣ масоили марбут ба хатарҳои терроризму экстремизм, пешгирӣ аз гаравиши шаҳрвандон ба ҳизбу равияҳои характери ифротгароӣ дошта, услубҳои даҳшатафкани актҳои террористӣ, муомилоти маводи мухаддир, муросилоти ахбороти оперативӣ вобаста ба дастгир намудани нафарони қасди ҷиноят содиркунӣ дошта, ҷинояткорони ҷустуҷӯшаванда ва дигар паҳлӯҳои фаъолияти мақомоти корҳои дохилӣ, ки дар заминаи ҳамкории дуҷониба ба манфиати субъектони муборизабаранда хизмат карда метавонад, мавриди баррасӣ қарор гирифтанд.
Барои табодули таҷриба ва шиносоӣ бо шароити хизматии ҳамкорон, ташкили вохӯрӣ ва машғулиятҳои якҷояи тактикӣ-хизматӣ ва ҳарбӣ-низомӣ ба мақсад мувофиқ гуфта шуд.

142

Чунин тадбир метавонад дар баробари боз ҳам мустаҳкам намудани риштаи дустӣ, дар самти муқовимат бо ҷинояткорӣ мақомоти корҳои дохилии ду кишвари дӯсту ҳамсоя Тоҷикистону Қирғизистонро муваффақ созад.
Акбар Шарифов, капитани милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика