Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мулоқоти судманд дар доираи ислоҳоти милитсия

Имрӯз (19.09.с.2017), дар Вазорати корҳои дохилӣ вохӯрии сардори Раёсати ҳамкориҳои байналмилалии Вазорати корҳои дохилӣ полковники милитсия Зумрад Абдуллозода ва муовини сардори Академияи Вазорати корхои дохилӣ оид ба илм полковники милитсия Солиев Каримҷон бо Мушовир оид ба масъалаҳои мубориза бо терроризм ва кор бо мақомоти ҳифзи ҳуқуқи Дафтари Барномавии САҲА дар Душанбе Дмитрий Капортсев баргузор гардид.

Дар вохӯрӣ ҳамчунин Абдуллоев Баҳром – афсари миллӣ оид ба мусоидат ба ислоҳоти милитсия ва Маҳмадиев Ҳайдар Холович – афсари миллии алоқа оид ба ислоҳоти милитсияи Вазорати корҳои дохилии Ҷумҳурии Тоҷикистон ширкат варзиданд.
Зимни мулоқот ҷонибҳо доир ба ҳамкориҳои мутақобилан судманди Дафтари Барномавии САҲА дар Душанбе ва Вазорати корҳои дохилӣ дар доираи ислоҳоти милитсия изҳори андеша намуданд.
Зикр гардид, ки дар доираи ислоҳоти милитсия Стратегия ва Барномаи ислоҳоти (рушди) милитсия барои солҳои 2014-2020 қабул гардида, дар ин самт як қатор корҳои назаррас анҷом дода шудааст.
Мушовир оид ба масъалаҳои мубориза бо терроризм ва кор бо мақомоти ҳифзи ҳуқуқи Дафтари Барномавии САҲА дар Душанбе Дмитрий Капортсев пешниҳод намуд, ки ҷиҳати мустаҳкам намудани иқтидори зеҳнии курсантон, азназаргузаронии ҷойи ҳодиса ва дигар далелҳои шайъӣ дар Академияи Вазорати корҳои дохилӣ синфхонаҳои криминалӣ таъсис дода шавад.

Дар рафти вохӯрӣ ин пешниҳод судманд арзёбӣ гардида, намояндагони Дафтари Барномавии САҲА дар Душанбе изҳор доштанд, ки барои таъмин намудани ин синфхонаҳо бо таҷҳизоти зарурӣ кӯмаки худро мерасонанд.
Дар хотимаи вохӯрӣ ҷонибҳо ҷиҳати боз ҳам густариш ёфтани ҳамкориҳо дар доираи ислоҳоти милитсия изҳори боварӣ намуданд.
Гул Маҳбуба, подполковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика