Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳамкории судманд баҳри ҳифзи ҳукуқҳои кӯдак

Имрӯз (23.08.с.2017), вохӯрии сардори Хадамоти пешгирии ҳуқуқвайронкунӣ байни ноболиғон ва ҷавонони ВКД полковники милитсия Мансур Бухоризода бо намояндагони ташкилоти ғайритиҷоратии Бунёди Terre Des Hommes-Швейтсария дар Тоҷикистон доир гардид.
Дар ҷараёни вохӯрӣ Барномаи ислоҳоти низоми адолати судӣ нисбати кӯдакон барои солҳои 2017-2021, ки 29 июни соли 2017 ба тавсиб расида ва аз ҷониби Тоҷикистон ба имзо расидааст, мавриди таҳлилу баррасӣ қарор гирифт.
Намояндагони ВКД иброз доштанд, ки Ҷумҳурии Тоҷикистон дар самти ҳифзи ҳуқуқҳои кӯдак ва адолати судӣ нисбати ноболиғон корҳои зиёдеро амалӣ карда истодааст. Қабули Қонуни Ҷумҳурии Тоҷикистон «Дар бораи ҳифзи ҳуқуқҳои кӯдак» аз 18 марти соли 2015 ва нақшаи миллии амалҳо ҷиҳати иҷрои тавсияҳои давлатҳои аъзои Шӯрои Созмони Милали Муттаҳид оид ба ҳуқуқи инсон тибқи расмиёти Шарҳи универсалии даврӣ (даври дуюм) барои солҳои 2017-2020, ки дар он амалӣ намудани сиёсати давлатӣ дар ҷодаи ҳифзи ҳуқуқҳои кӯдакон дарҷ гардидааст, гувоҳи бараълои он аст.
Дар ин замина Вазорати корҳои дохилӣ баҳри дар амал татбиқ гардидани Барномаҳо ва нақшаҳои миллӣ оид ба ҳифзи ҳуқуқҳои кӯдак фаъолияти худро ба роҳ монда, ин масоилро ба тариқи доимӣ пайгирӣ менамояд.

Намондагони ташкилоти ғайритиҷоратии Бунёди Terre Des Hommes-Швейтсария дар Тоҷикистон, аз ҷумла Саймуродова Сайёра - мутахассис оид ба ҳифзи ҳуқуқи кӯдак ва менеҷери идораи ташкилоти мазкур Шариф Шарипов изҳор доштанд, ки вобаста ба Барномаи ислоҳоти низоми адолати судӣ нисбати кӯдакон барои солҳои 2017-2021 дар Ҷумҳурии Тоҷикистон бо Вазорати корҳои дохилӣ ҳамкориро ба роҳ монда, ҷиҳати амалисозии он дар оянда ба нақша гирифта, кӯмаки худро мерасонад.
Абдулло Шоев, нозири калони гурӯҳи матбуотии ХПҲНҶ ВКД, капитани милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика