Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Муҳокимаи масъалаҳои ҳамкориҳои дуҷониба бо Эстер Тетруашвилӣ

Дар Вазорати корҳои дохилӣ вохӯрии намояндагони вазорат бо намояндаи Сафорати Иёлоти Муттаҳидаи Амрико дар Тоҷикистон хонум Эстер Тетруашвилӣ доир гардид.
Дар вохӯрӣ аз ҷониби Вазорати корҳои дохилӣ сардори Раёсати ҳамкориҳои байналмилалӣ полковники милитсия Зумрад Абдуллозода, муовини сардори Академияи Вазорати корҳои дохилӣ оид ба корҳои илм полковники милитсия Каримҷон Солиев ва кормандони масъули Раёсати мубориза бо ҷиноятҳои муташаккили ВКД иштирок доштанд.


Дар ҷараёни вохӯрӣ масъалаҳои ҳамкориҳои дуҷониба дар самти мубориза ба муқобили хариду фурӯши одамон, кӯшишҳои ҷониби Тоҷикистон дар пешгирии ин зуҳуроти номатлуб ва расонидани кӯмак ба қурбониёни ҷиноятҳои мазкур мавриди баррасӣ қарор гирифтанд.
Зикр гардид, ки Ҷумҳурии Тоҷикистон аз замони соҳибистиқлолӣ ҳамчун узви баробарҳуқуқи ҷомеаи ҷаҳонӣ тамоми санадҳои байналмилилиро дар самти ҳуқуқи инсон эътироф ва қабул намудааст.
Дар ин замина як қатор санадҳои меъёрии ҳуқуқӣ низ ба тасвиб расонида шудааст. Аз он ҷумла, Қонуни Ҷумҳурии Тоҷикистон аз 26-уми июли соли 2014 «Дар бораи муқовимат ба савдои одамон ва расонидани кӯмак ба қурбониёни савдои одамон» қабул гардида, мавриди амал қарор дорад.
Заминаи қонунгузории Ҷумҳурии Тоҷикистон дар соҳаи ҳифзи ҳуқуқи шаҳрвандон аз савдои одамон Конститутсияи Ҷумҳурии Тоҷикистон, кодексҳои ҳуқуқвайронкунии маъмурӣ, гражданӣ, оила, ва меҳнати Ҷумҳурии Тоҷикистонро дарбар мегирад.
Конститутсияи Ҷумҳурии Тоҷикистон эълон мекунад, ки инсон, ҳуқуқ ва озодиҳои он арзиши олӣ мебошанд ва онро давлат эътироф, риоя ва ҳифз менамояд.
Дар хотимаи вохӯрӣ ҷонибҳо аз рушди ҳамкориҳои мутақобилан судманд изҳори қаноатмандӣ намуданд.
Хусрав Солеҳов, подполковники милитсия. 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика