Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Сафеддара — беҳтарин минтақаи сайёҳӣ ва варзишии зимистона

  

239

Дар доираи 11-умин намоишгоҳи байналмилалии сайёҳии «Интурмаркет-2016» дар шаҳри Маскави Федератсияи Россия бо ташаббуси ширкати «Экспотур» ҶДММ Сафеддара имкониятҳои сайёҳӣ ва хизматрасониҳои хешро муаррифӣ сохт. «Интурмаркет» ягона муаррификунандаи ширкатҳои сайёҳии Россия ва кишварҳои наздик ба он, аз қабили Испания, Миср, Марокаш, Булғористон, Чин ва аксари кишварҳои пасошуравӣ маҳсуб мешавад.
Нисбат ба дигар ширкатҳои сайёҳӣ, ки хориҷиёнро ба сайёҳати доманакӯҳҳо ва дигар мавзеъҳои зебои Тоҷикистон сафарбар мекунанд, ширкати Сафеддара аз он ҷиҳат дар маркази таваҷҷуҳи сайёҳон қарор гирифт, ки дар баробари дар баландии кӯҳҳо ҷойгир шуданаш шароити ҳамаҷиҳатаи зиндагонӣ, аз қабили меҳмонхона, тарабхона, маркази шабонаи дилхушӣ, ҷиҳози варзишиву дигар анвои истироҳатро дорост.
Сафеддара ягона машқгоҳи варзишии зимистона дар Тоҷикистон буда, солона ҳудуди 3 ҳазор нафар ба ин минтақа барои истироҳат мераванд. Маҷмааи мазкур ҳанӯз дар даҳаи 70-уми асри гузашта дар замони собиқ Шӯравӣ бунёд шуда, дар баландии 2300 метр ҷойгир шудааст. Иқлиму мавқеи ҷуғрофии ин минтақа дар дараи Такоби Варзоб имкон медиҳад, ки барф дар ин ҷой то моҳи май об нашавад. То охирҳои соли 2015 ин минтақа дар ихтиёри Кумитаи ҷавонон, варзиш ва сайёҳӣ буд ва аҳволи он қадар хуб надошт. Барои ҳамин Кумитаи давлатии сармоягузорӣ ва идораи амвол минтақаи Сафедоракро барои эҳё ва бозсозии дубора ба ихтиёри ширкати Сафеддара супорид.

240

Ин ширкат саъй дорад, ки дар давоми 5 соли оянда ба ин минтақа 45 миллион сомонӣ сармоягузорӣ карда, 120 ҷойи нави корӣ таъсис диҳад ва онро ба беҳтарин минтақаи сайёҳӣ ва варзишии зимистона табдил диҳад.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика