Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ташрифи сардори Академияи ВКД Россия дар шаҳри Волгоград ба Ҷумҳурии Тоҷикистон

608

Дар доираи муносибати дуҷонибаи дӯстӣ ва ҳамгироии Вазорати корҳои дохилии Ҷумҳурии Тоҷикистон бо Вазорати корҳои дохилии Федератсияи Россия рӯзи 18-уми ноябри соли ҷорӣ сардори Академияи ВКД-и Россия дар шаҳри Волгоград, ҳуқуқшиноси шоистаи Федератсияи Россия, доктори илмҳои ҳуқуқ, профессор, генерал-майори политсия Третяков Владимир Иванович бо корманди шуъбаи робитаҳои байналмилалии Академияи мазкур Мамыкин Александр бо сафари корӣ ба Академияи ВКД Ҷумҳурии Тоҷикистон ташриф оварданд. 
Чун анъана аз рӯи сунати меҳмоннавозии тоҷикона меҳмонони олиқадрро сардори Академияи ВКД Ҷумҳурии Тоҷикистон, н.и.ҳ., дотсент, генерал-майори милитсия Шарифзода Файзалӣ Раҳмоналӣ ва дастаи қараули фахрии Академия аз ҳисоби курсантдухтарон бо тантана пешвоз гирифтанд.
Дар доираи робита ва табодули таҷриба байни Академияи ВКД Ҷумҳурии Тоҷикистон ва Академияи ВКД Россия дар шаҳри Волгоград шартномаи дуҷонибаи ҳамкорӣ имзо гардид. 
Третяков Владимир Иванович аз бинои Академия ва толорҳои асосии он дидан намуда, изҳор дошт, ки роҳбарияти давлат ва ВКД Ҷумҳурии Тоҷикистон дар ҳақиқат бо санъати баланди меъморӣ барои таълиму тарбия барои курсантону омȳзгорон шароити замонавӣ муҳайё намудаанд. 
Дар навбати худ сардори Академияи ВКД изҳор намуд, ки сафари кории Шумо ба ифтитоҳи бинои нави яке аз факултетҳои муҳим - «тайёр намудани кадрҳои оперативии мақомоти ҳифзи ҳуқуқ» рост омад, ки рӯзҳои наздик он ба таври расмӣ кушода мегардад.

609610611

Сипас, меҳмонони олиқадр дар конференсияи илмӣ-назариявии байналмилалӣ бахшида ба истиқболи 30-солагии Истиқлолияти давлатии Ҷумҳурии Тоҷикистон ширкат намуданд.
Кори конференсияро сардори Академияи ВКД бо сухани мақаддимавӣ оғоз намуда, иброз дошт, ки риштаҳои дӯстӣ ва ҳамкории муассисаҳои таълимии мо рушд менамояд, ки мо аз ин ифтихор менамоем. 
Сипас, сардори Академияи ВКД Россия дар шаҳри Волгоград Третяков Владимир Иванович дар мавзȳи «Махсусиятҳои омода намудани кадрҳои политсияи Академияи ВКД Россия дар шаҳри Волгоград» маърӯзаи пурмуҳтаво намуда, иброз кард, ки мо аз он ифтихор дорем, ки намояндагони Тоҷикистон дар факултетҳои Академияи мо бо баҳои хубу аъло таҳсил намуда, ҳамчун хатмкунандаи муассисаи таълимии мо барои идомаи хизмат ба ВКД Ҷумҳурии Тоҷикистон бармегарданд. Сол то сол шумораи онҳо зиёд шуда, дар оянда низ мо ҳамкориҳоро тақвият медиҳем. 
Сардори Академияи ВКД Ҷумҳурии Тоҷикимстон ба меҳмони олиқадр барои маърӯзаи пурмуҳтаво изҳори миннатдорӣ намуда, иброз дошт, ки Академияи ВКД Тоҷикистон барои ҳамкорӣ дар ҳама самтҳо бо Академияи ВКД Россия дар шаҳри Волгоград омода аст.

612

Дар конференсияи мазкур олимону профессорони Академия дар мавзȳъҳои омода намудани кадрҳои баландихтисос ва раванди ислоҳоти милитсия маърӯзаҳои илмӣ намуданд.
Асламов Б., Убайдуллоев Ш., Сафарова С.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика