Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷаласаи «Интерпол» дар доираи лоиҳаи «Калкан»

272

Cанаи 31-уми октябр дар бӯстонсарои шаҳрии Ҳукумати Ҷумҳурии Тоҷикистон ҷаласаи гурӯҳи корӣ оид ба лоиҳаи «Калкан»-и «Интерпол» баргузор гардид, ки дар он Вазири корҳои дохилӣ генерал-полковники милитсия Раҳимзода Рамазон Ҳамро, Котиби генералии «Интерпол» Юрген Шток ва намояндагони зиёда аз 20 давлати ҷаҳон иштирок ва суханронӣ намуданд.

273274

Дар рафти ҷаласа Вазири корҳои дохилӣ генерал-полковники милитсия Раҳимзода Рамазон Ҳамро зикр намуд, ки вазъи ҷиноятии ҷаҳони имрӯза аз ҳамаи мо, пеш аз ҳама, сари вақт ва дуруст дарк намудани раванди таҳдиду хатарҳои ҷиноятҳоро талаб намуда, мебояд дар ҳамбастагӣ ҳамкориҳоямонро дучанд намуда, баҳри мубориза ба таҳдиди ҷиноятҳои хариду фурӯш ва паҳн гардидани силоҳи қатли ом, терроризму экстремизм, гардиши ғайриқонунии маводи нашъаовар, муҳоҷирати ғайриқонунӣ ва пешгирии дигар ҷиноятҳои алоқаманд ба самти фаъолият диққати хосса диҳем.
Дар рафти ҷамъомад аз ҷониби Котиби генералии «Интерпол» Юрген Шток лоиҳаи нав бо унвони «Калкан» муаррифӣ гардид, ки он баҳри мубориза алайҳи пешгирӣ ва таҳдидҳои ҷаҳони муосир, ба монанди терроризму экстремизм амалӣ карда мешавад. Лоиҳаи мазкур барои мубодилаи иттилоот бо бисёре аз кишварҳои иштирокчӣ имконият фароҳам меорад.

276277278

Зимни баргузории чорабинии мазкур ҳозирин оид ба ҳамкориҳои мутақобилаи «Интерпол»-ҳои давлатҳои аъзо, ошкор ва пешгирии ҷиноятҳои муташаккилона, муайян ва таҳлил намудани роҳҳои ворид ва хориҷи ҷинояткорон тавассути сарҳадот ба минтақаҳои даргир, мубодилаи иттилоот ва дигар самтҳои фаъолияти «Интерпол» суханронӣ намуданд.

279

Ҳамчунин, дар хотима Вазири корҳои дохили Котиби генералии «Интерпол»-ро ба муносибати бори дигар интихоб шуданаш ба ин мақом муборакбод намуда, ба ӯ дар иҷрои вазифаҳои хизматӣ муваффақиятҳо таманно кард.
Раҷаббек ИЛЁСОВ,
Тоҷиддин ЛАТИПОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика