Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Маросими савгандёдкунӣ

475

Имрӯз (27.08.с.2019), дар Вазорати корҳои дохилӣ маросими савгандёдкунии 114 нафар кормандони ҷавони милитсия ва курсантони Академияи ВКД, ки дар Федератсияи Россия таҳсил менамоянд, баргузор гардид. Дар чорабинии мазкур роҳбарияти ВКД, падару модарони курсантон ва кормандони ҷавони милитсия иштирок намуданд. Чорабинӣ бо садо додани Суруди миллӣ оғоз гардида, сипас курсантон ва кормандон дар назди ҳозирин бо тантана Савганди садоқат ёд намуданд.

476477

Муовини Вазири корҳои дохилӣ генерал-майори милитсия Умарзода И.И. курсантон ва падару модарони кормандони ҷавони милитсияро ба ин рӯзи фаромӯшнашаванда, маросими Савгандёдкунии наздиконашон, табрику муборакбод намуд.
Зикр гардид, ки хизмат ба давлату миллат, ҳимояи марзу буми он ва ҳифзи ҳуқуқу манфиатҳои шаҳрвандон барои ҳар фарди ватандӯст ифтихор аст ва рӯй овардани ҷавонон ба хизмат дар мақомоти корҳои дохилӣ ва дигар сохторҳои низомӣ аз ҳисси баланди ватандӯстӣ ва ифтихори миллӣ доштани онҳо дарак медиҳад.
Дар идомаи суханронӣ муовини Вазири корҳои дохлилӣ бо боварӣ зикр кард, ки кормандони ҷавони милитсия ва курсантон ба Савганди ёдкардаи худ устувор монда, ба халқу Ватан содиқонаву самимона хизмат мекунанд. Ҳамчунин бо ёдоварӣ аз таърих ва фаъолияти мушкилу заҳматталаб, вале пурифтихори милитсияи тоҷик изҳор гардид, ки корманди ВКД будан ва омӯхтани ин пешаи пуршараф боиси ифтихор ва сарфарозӣ аст.

478479480482481

Дар идомаи чорабинӣ аз ҷониби курсантон ва кормандони ҷавони ВКД якчанд машқҳои низомӣ ба намоиш гузошта шуд. Инчунин волидон ва наздикони онҳо ба роҳбарияти давлат ва Вазорати корҳои дохилӣ миннатдории худро баён намуда, иброз доштанд, ки имрӯз барои мо ва фарзандонамон рӯзи хотирмону фаромӯшнашаванда боқӣ хоҳад монд, зеро фарзандони мо ҳамчун корманди милитсия посдори обу хоки ин сарзамин монда, ба Ватан-Модар содиқона хизмат мекунанд.
Марши тантанавӣ, ки аз ҷониби кормандони ҷавони милитсия ба роҳ монда шуд, хотимабахши чорабинии имрӯза гардид.
Абдуллозода Эҳсон
Саидзода Муродалӣ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика