Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷаласаи навбатии Комиссияи ҳукуматӣ оид ба таъмини бехатарии ҳаракат дар роҳҳо

543

Рӯзи 29-уми январи соли 2019 дар Вазорати корҳои дохилӣ ҷаласаи навбатии Комиссияи ҳукуматии Ҷумҳурии Тоҷикистон оид ба таъмини бехатарии ҳаракат дар роҳҳо бо иштироки Раиси Комиссия - Вазири корҳои дохилӣ генерал-полковники милитсия Раҳимзода Рамазон Ҳамро, муовини Раиси Комиссия - Вазири нақлиёти Ҷумҳурии Тоҷикистон Худоёрзода Худоёр Завқибек, муовини Раиси шаҳри Душанбе Саидзода Фирдавс, сардори РБДА ВКД генерал-майори милитсия Насимзода Акбар Ғиёс, намояндагони вазоратҳои маориф ва илм, фарҳанг, тандурӯстӣ, молия, Хадамоти гумрук, инчунин муовинони раисони вилоятҳои Суғду Хатлон ва дигар корхонаву идораҳои давлатӣ баргузор гардид.

545544547

Ҷаласаро Вазири корҳои дохилӣ генерал-полковники милитсия Раҳимзода Рамазон Ҳамро оғоз намуда, доир ба иҷрои нақша-чорабиниҳо ва корҳои ба сомон расонидаи ҷаласаи қаблан баргузоргардидаи комиссия оид ба таъмини бехатарии ҳаракат дар роҳҳои автомобилгарди ҷумҳурӣ ва бартараф намудани камбудиҳои ҷойдошта дар роҳҳои автомобилгард, танзими бонизоми воситаҳои нақлиёт ва пешгирии тамбашавии мошинҳо ибрози андеша намуд.
Сипас, котиби Комиссияи ҳукуматии Ҷумҳурии Тоҷикистон оид ба таъмини бехатарии ҳаракат дар роҳҳо сардори Раёсати бозрасии давлатии автомобилии Вазорати корҳои дохилӣ генерал-майори милитсия Насимзода Акбар Ғиёс вобаста ба вазъи бехатарии ҳаракат дар роҳҳои автомобилгард дар соли 2018 ва андешидани чораҳо дар ин самт баромад намуд.

548549

Дар рафти ҷаласа масъалаҳои вазъи кунунии шоҳроҳҳои ҷумҳурӣ, назорати истифодабарии роҳҳои автомобилгард, ҳаракати воситаҳои нақлиётии гаронвазн, корҳои сохтмониву таҷдиди роҳҳо дар қаламрави кишвар, ҳамчунин ба роҳ мондани омӯзиши қоидаҳои ҳаракати роҳ дар муассисаҳои томактабӣ, боғчаву кӯдакистонҳо ва таҳсилоти миёнаи умумӣ ва дигар мушкилоти ҷойдошта баррасӣ гардиданд.
Дар анҷоми ҷаласа ҳайати Комиссия барои дар оянда боз ҳам беҳтар намудани фаъолияти Комиссияи ҳукуматии Ҷумҳурии Тоҷикистон оид ба таъмини бехатарии ҳаракат дар роҳҳо қарорҳои дахлдор қабул намуданд.
Раҷаббек Илёсов


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика