Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Паём - роҳнамо ба зиндагии шоиста

542

Дар таърихи 14-уми январи соли 2019 Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро дар партави дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки дар заминаи ғояҳои баландпояи пурмазмун асос ёфта буд, бо ҳайати шахсӣ ва тағйирёбандаи Академияи ВКД Ҷумҳурии Тоҷикистон вохӯрӣ намуда, онро ҳуҷҷати муҳим ва раҳнамо арзёбӣ намуд.
Вазири корҳои дохилӣ генерал-полковники милитсия Раҳимзода Рамазон Ҳамро ҳайати шахсӣ ва тағйирёбандаи Академияро ба иҷрои дастуру супоришҳои Пешвои миллат, риоя намудани интизоми хизматӣ, омода намудани кадрҳои соҳибтахассуси ҷавобгӯ ба талаботи ҷаҳони муосир, муборизони матин бар зидди терроризм, экстремизм, сепаратизм ва дигар амалҳои номатлуб ҳидоят намуд. Инчунин курсантони Академияро ҷавонони саодатманду хушиқболи даврони истиқлол номида, барои ба ғамхориву таваҷҷӯҳ ва дастгириҳои доимии давлату Ҳукумати кишвар сазовор будан, донишҳои муосирро аз худ намуда, ақлу заковати зеҳнӣ ва зиракию ҳушёрии хешро баланд бардоштан, мутахассисони варзидаи мақомоти корҳои дохилӣ будан ҳидоят намуд.
Рисолати ҳар яки мо имрӯз пеш аз ҳама ҳифзи арзишҳои миллӣ, муқовимат бо андешаҳои тундгаро ва мубориза бар зидди терроризму экстремизм мебошад. Ҷавононро бояд дар рӯҳияи худшиносиву худогоҳӣ, ватандӯстиву ватанпарварӣ ва ифтихор аз созандагиву бунёдкорӣ тарбия намуд, то ҳамеша пайрави андешаҳои солиму солеҳ бошанд, - қайд намуд Вазири корҳои дохилии Ҷумҳурии Тоҷикистон, генерал-полковники милитсия, муҳтарам Раҳимзода Рамазон Ҳамро.
Дар асл ҳар як нуқтаи Паёми Пешвои муаззами миллат нақшаи ояндаи ҷавонони кишварро муайян мекунад. Паёми имсолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун ҳарвақта саршор аз муждаҳои неку ҳадафҳои созанда буда, роҳнамои беназирест сӯйи музаффариятҳои нав ба нав.
Азиза Давлатшоева, полковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика