Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Мо ватандорем фахр аз кишвари худ мекунем!

Имрӯз (22.05.с.2017), бахшида ба  Рӯзи ҷавонони Тоҷикистон ва эълон гардидани соли 2017 ҳамчун «Соли ҷавонон» дар Вазорати корҳои дохилӣ чорабинии тантанавӣ бо иштироки Вазири корҳои дохилӣ генерал-лейтенанти милитсия Раҳимзода Рамазон Ҳамро, сарбозони қисмҳои ҳарбӣ, курсантони Академияи ВКД, ҷавонони фаъоли гурӯҳи «Авангард», донишҷӯён ва як зумра ҷавононе, ки дар Федератсияи Россия ба кору таҳсил машғуланд, баргузор гардид.

Нахуст, Вазири корҳои дохилӣ генерал-лейтенанти милитсия Раҳимзода Рамазон Ҳамро тамоми ҷавонони Тоҷикистонро бахшида ба Рӯзи ҷавонон ва эълон гардидани соли 2017 ҳамчун «Соли ҷавонон» табрик намуда, ба онҳо саодату сарбаландӣ, осоиши рӯзгор ва дар кору зиндагӣ комёбиҳо таманно намуд.

Зимни баромад Вазири корҳои дохилӣ зикр намуд, ки чӣ тавре, ки медонем Рӯзи ҷавонони Тоҷикистон ҳамасола рӯзи 23 – юми май дар тамоми ҷумҳурӣ ботантана таҷлил карда мешавад.

Бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон зимни ироаи Паёми хеш ба Маҷлиси Олии Ҷумҳурии Тоҷикистон соли 2017 ҳамчун «Соли ҷавонон» эълон карда шуд.

Ин иқдоми нек ва бомаврид аз таваҷҷӯҳи хоса ва ғамхориҳои пайвастаи Пешвои миллат нисбат ба ҷавонон, ки онҳо нерӯи созанда ва давомдиҳандаи кору фаъолияти насли калонсол мебошанд, шаҳодат медиҳад.

Ҳар чӣ қадар, ки ҷавонони кишвар муттаҳид шаванд, ҳамон қадар ҷомеа пеш рафта, муносибатҳои сиёсӣ, иҷтимоӣ-иқтисодӣ ва фарҳангию маданӣ рушд меёбанд. 

Зимни баромад Вазири корҳои дохилӣ ҷавононро ба омӯхтани илму ҳунар, забонҳои хориҷӣ ва технологияи муосир ҳидоят намуда, қайд кард, ки ҷавонон бояд фаъол ва созанда бошанд ва дар ҳаёту пешрафти ҷомеа нақши арзандаи худро гузоранд.

Зикр гардид, ки мақомоти корҳои дохилӣ ҳамеша ба нерӯи  тавонои ҷавонон такя намуда, дар доираи Барномаи ислоҳоти  (рушди) милитсия ва Стратегияи ислоҳоти милитсия барои солҳои 2014-2020 бо дружиначиёни ихтиёрӣ, кормандони ғайриштатии милитсия, гурӯҳи ҷавонони «Авангард» ва дигар созмонҳои ҷамъиятӣ дар таъмини тартиботи ҷамъиятӣ ва амнияти шаҳрвандон фаъолона ҳамкорӣ менамояд.

Дар ин замина чандин маротиба вохӯриҳои судманди ҷавонон дар якҷоягӣ бо кормандони милитсия бо аҳли ҷомеа оид ба пешгирии шомилшавии шаҳрвандон ба ҳизбу ҳаракатҳои ғайриқонунӣ ва ҳуқуқвайронкунӣ дар байни ҷавонону ноболиғон баргузор гардид.

Ҳамчунин, сафари ҷавонон ба минтақаҳои гуногуни ҷумҳурӣ, ба хонаҳои ҳамдигар ва шиносоӣ аз урфу одат ва расму анъанаҳои маҳалҳои гуногуни кишвар ташкил карда шуд, ки дар рафти ин сафарҳо дӯстию пайванди ҷавонони кишвар бо ҳамдигар боз ҳам мустаҳкамтар гардид.

Дар ин ҷода сафари ҷавонон ба вилоятҳо ва шаҳрҳои гуногуни Федератсияи Россия доир гардида, ҳамчунин ҷавонони тоҷике, ки дар Федератсияи Россия кору таҳсил менамоянд дар чорабиниҳои фарҳангию сиёсии кишвар даъват карда мешаванд, ки имрӯз як зумра ҷавонон даъват гардида, дар чорабинии имрӯза ҳузур доранд.

Дар идомаи баромад Вазири корҳои дохилӣ доир ба тараққиёту пешравӣ ва дастовардҳои замони истиқлолият ибрози андеша намуда, зикр кард, ки ҳамаи ин дастовардҳо бо шарофати сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва таваҷҷӯҳи хосаи Сарвари давлат ба ҷавонон рӯи даст гирифта шуда, амалӣ гардида истодааст.

Сипас, бо Фармони Вазири корҳои дохилии Ҷумҳурии Тоҷикистон барои ҳамкориҳои мутақобилан судманд, ташкили кори самаранок ҷиҳати иштироки дастаҷамъонаи ҷавонону донишҷӯён дар таъмини тартиботи ҷамъиятӣ, суботу оромии кишвар, ҳимояи ҳуқуқу манфиатҳои шаҳрвандон ва мубориза бар зидди ҷинояткорӣ, ҳамзамон ширкати фаъолона дар чорабиниҳои сиёсию фарҳангӣ, инчунин гузоштани саҳми арзандаву назаррас дар пешгирии ҳуқуқвайронкунӣ як қатор сарбозони қисмҳои ҳарбии Раёсати қӯшунҳои дохилии ВКД, курсантон ва ҷавонони фаъол бо рутбаҳои навбатӣ, «Сипоснома» ва тӯҳфаҳои хотиравӣ сарфароз гардонида шуданд.

Дар интиҳои чорабинии тантанавӣ барои болида гардонидани хотири ҳозирин ба муносибати Рӯзи Ҷавонон ва эълон гардидани соли 2017 ҳамчун «Соли ҷавонон»  консерти идона бо иштироки ситораҳои шинохтаи ҷумҳурӣ, ансамбли “Сипар”-и Вазорати корҳои дохилӣ ва ҷавонони фаъоли гурӯҳи «Авангард» пешкаши ҳозирин гардонида шуд.

Гул Маҳбуба, подполковники милитсия. 


Шарҳи Шумо

Security code
Азнавсози



Рӯйдодҳо

  • Куштор дар ҳолати мастӣ

    Рӯзи 16-уми январи соли 2020, тахминан соати 22:30-дақиқа, марди 38-солаи ....

    18.01.2020 10:46
  • Ошкор шудани ҳолатҳои ғоратгарӣ

    Ба ШВКД дар шаҳри Хуҷанд аризаи марди 39-солаи сокини ноҳияи ....

    18.01.2020 10:17
  • Таъмини бехатарии ҳаракати роҳ вазифаи мост!

    Новобаста аз он ки аз ҷониби кормандони шуъбачаи БДА дар ....

    17.01.2020 09:44
  • Тақаллубкорӣ бо баҳонаи тиҷорат

    Ба ШВКД-1 дар ноҳияи Рӯдакӣ аризаи марди 32-солаи сокини ҷамоати ....

    17.01.2020 08:53
  • Дуздии чорво аз чарогоҳ

    Ба ШВКД дар ноҳияи Хуросон бо ариза марди 45-солаи сокини ....

    16.01.2020 09:17
  • Пахши пиёдагард дар ноҳияи Дӯстӣ

    Рӯзи 15-уми январи соли 2020, тахминан соати 14:00, ронандаи автомашинаи ....

    16.01.2020 09:16
  • Санҷиши мақсаднок дар марказҳои бозии компютерӣ

    Бо мақасади пешгирии ҳуқуқвайронкунии ноболиғон, машғул гардидан ба амалҳои ношоиста ....

    15.01.2020 14:17
  • Ошкор шудани ҷинояти одамкушӣ

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 41-солаи ....

    15.01.2020 10:57
  • Қасдан расонидани зарари вазнин ба саломатӣ, ки боиси марг гардидааст

    Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди ....

    15.01.2020 10:56
  • Ошкор шудани дуздии 9 сар чорвои калони шохдор дар ноҳияи ....

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 21-солаи ....

    15.01.2020 10:54
  • 

    Гӯшаи эълон ва озмунҳо

  • Эълон! Занону духтарони дӯзанда ба кор ҷалб карда мешаванд!

    Рӯзи 22-юми ноябри соли 2019 бо иштироки Асосгузори сулҳу ваҳдати ....

    28.11.2019 11:53
  • Ба таваҷҷуҳи ронандагон!

    Раёсати БДА ВКД Ҷумҳурии Тоҷикистон ба диққати шаҳрвандон, алалхусус ронандагони ....

    22.11.2019 14:39
  • ЭЪЛОН! Озмуни ҷумҳуриявии расми беҳтарини кӯдакона

    Озмуни ҷумҳуриявии расми беҳтарини кӯдакона дар мавзӯи бехатарии ҳаракат дар ....

    18.11.2019 09:46
  • Эълон! Мизи мудаввари ҷумҳуриявӣ дар мавзӯи «Баланд бардоштани иқтидори ҳамкории ....

     Аз 3-юм то 5-уми октябри соли 2019 бо ташаббуси Ҳамоҳангсози ....

    02.10.2019 14:17
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonuni

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика