Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Боздиди ҷавонон аз мавзеҳои маданӣ ва фарҳангии шаҳри Бердск

Дар идомаи сафар ба Федератсияи Россия, бо дастгирии Ҳукумати Ҷумҳурии Тоҷикистон, ҷавонони фаъоли гурӯҳи «Авангард» дар якҷоягӣ бо гурӯҳи корӣ аз Вазорати корҳои дохилӣ, Кумитаҳои ҷавонон, варзиш ва сайёҳӣ, телевизион ва радиои назди Ҳукумати Ҷумҳурии Тоҷикистон озими шаҳри Бердски вилояти Новосибирск гардида, аз мавзеҳои маданӣ ва фарҳангии ин шаҳри нотакрор дидан намуданд.
Дар осорхонаи таърихию бадеии шаҳри Бердск ҷавонони тоҷикро меҳмоннавозӣ ва муносибатҳои халқи бузурги рус тасхир кард. Дар осорхонаи мазкур аз таъриху фарҳанги халқи тоҷик низ нигораҳои зиёдеро дидан мумкин буд, ҳамчунин меҳмонон бо таърихи ду халқ, ки як замон дар ҳайати давлати абарқудрати Иттиҳоди Шӯравӣ дохил буданд, муносибатҳои дӯстонаю бародарони онҳо шиносоӣ пайдо намуданд.
Зимни вохӯрӣ сокинони ин шаҳр ба меҳмоннавозӣ ва меҳнатдӯстии шаҳрвандони тоҷик баҳои баланд доданд. Қайд гардид, ки тоҷикон ин мардуми дорои таърихи бой ва маданияти баланд буда, ҳоло ҳам дар байни дигар халқу миллатҳо бо меҳнатдӯстию инсонпарварӣ намунаи ибратанд.
Дар шаҳри Бердск гурӯҳи ҷавонони тоҷик меҳмони соҳибкори маъруфи шаҳри мазкур Голуб Виктор Алексеевич гардиданд, ки дар корхонаҳои ӯ ҳазорҳо ҳамватанони мо дар ҳудуди вилояти Новосибирск кору фаъолият мекунанд.

Зимни сӯҳбат соҳибкор оиди дӯстию рафоқати ногусастании миёни мардуми русу тоҷик ва тақвияти ҳамкориҳо ибрози назар намуд.
Намояндагони Тоҷикистон ба соҳибкор Голуб Виктор Алексеевич ҳамчун рамзи дӯстию ҳамбастагӣ тӯҳфаи хотиравии тоқии миллии тоҷикиро тӯҳфа намуданд.
Сафари ҷавонони фаъоли гурӯҳи «Авангард» дар якҷоягӣ бо гурӯҳи корӣ аз Вазорати корҳои дохилӣ, Кумитаҳои ҷавонон, варзиш ва сайёҳӣ, телевизион ва радиои назди Ҳукумати Ҷумҳурии Тоҷикистон дар Федератсияи Россия идома дошта, аз натиҷаи он иловатан иттилоъ хоҳем дод.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика