Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Бузургиро ба дониш метавон ёфт…

27 апрели соли ҷорӣ, вохӯрии роҳбарияти Академияи ВКД бо омӯзгорону хонандагони муассисаи таҳсилоти миёнаи умумии №63-и ноҳияи Шоҳмансури шаҳри Душанбе баргузор гардид. 

Дар вохӯрӣ муовини аввали сардори Академияи ВКД, генерал-майори милитсия Кабирзода Ҷӯрахон Ҳаким, сардори ШВКД-2 дар ноҳияи Шоҳмансур, полковники милитсия Абдурасулзода Аскарҷон, директори муассисаи таҳсилоти миёнаи умумии №63-и ноҳияи Шоҳмансур Зоирова Шамсия Амоновна, омӯзгорон, хонандагони мактаби мазкур ва курсантони Академияи ВКД Ҷумҳурии Тоҷикистон ширкат варзиданд.
Дар рафти вохӯрӣ муовини аввали сардори Академияи ВКД, генерал-майори милитсия Кабирзода Ҷӯрахон Ҳаким баромад намуда, иброз кард, ки ҷамъомади имрӯза дар доираи Нақша-чорабиниҳои якҷояи Вазорати корҳои дохилӣ ва Вазорати маориф ва илми ҷумҳурӣ амалӣ мегардад.

Кабирзода Ҷ.Ҳ. оид ба талаботи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи маҳдуд намудани истифодаи маҳсулоти тамоку», «Дар бораи озодии виҷдон ва иттиҳодияҳои динӣ» ва дигар санадҳои меъёриву ҳуқуқӣ ибрози андеша намуда, доир ба пешгирии шомилшавии ҷавонон ба ҳизбу ҳаракатҳои ифротӣ, истифодаи телефонҳои мобилӣ аз тарафи ноболиғон, риояи қоидаҳои таҳсил ва тарзи либоспӯшии хонандагон, пешгирии ҳодисаҳои роҳу нақлиётӣ бо иштироки онҳо изҳори андеша намуд.
Ҳамзамон оид ба эълон гардидани соли 2017 - «Соли ҷавонон» ва дастгириву ғамхориҳои рӯзафзуни Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбати наврасону ҷавонон андешаҳо иброз гардида, зикр карда шуд, ки имрӯзҳо дар доираи ин ташаббуси Пешвои миллат дар саросари кишвар ҳар гуна чорабиниҳои фарҳангиву фароғатӣ ва маърифатӣ гузаронида шуда истодаанд.
Дар фарҷоми вохӯрӣ филми мустанади аз ҷониби Маркази матбуоти ВКД омодагардида «Сад пушаймонӣ аз Сурия» манзури иштирокчиёни вохӯрӣ гардонида шуд, ки аз ҳаёти он ҷавонони сабукандеше нақл менамуд, ки бо ҳар гунна роҳҳо танҳо ва дар баъзе ҳолатҳо ҳамроҳи аъзои оилаашон ба ин кишвари ҷангзада рафта буданд, вале баъди пушаймониҳои зиёд, бо мусоидати мақомоти ҳифзи ҳуқуқи кишвар ба ватани аҷдодӣ баргардонида шуданд.
Дар интиҳои ҷамъомад байни иштирокчиён муҳокимаронӣ сурат гирифта, маъмурияти муассисаи таълимӣ аз ташриф ва ҳамкории кормандони милитсия ба муассисаи таълимии мазкур изҳори миннатдорӣ баён намуданд.
Ш. УБАЙДУЛЛОЕВ, О.САФАРОВ 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика