Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Таассуроти мактаббачагон аз вохӯрӣ бо кормандони милитсия

Имрӯз (27.04.с.2017), намояндагони Вазорати корҳои дохилӣ ҷиҳати тақвият бахшидани ҳамкориҳои судманд бо муасссисаҳои таълимии кишвар дар мактаби таҳсилоти миёнаи умумии №23-и ноҳияи Шоҳмансури шаҳри Душанбе бо хонандагону омӯзгорони ин муассисаи таҳсилотӣ вохӯрӣ анҷом доданд.

Қабл аз оғози вохурӣ ба хонандагони мактаби миёна филми мустанади омоданамудаи Маркази матбуоти ВКД, таҳти унвони «Авбошӣ дар ноҳияи Сино ва оқибатҳои он» намоиш дода шуд. Дар филм сухан дар бораи кирдори якчанд наврасу ҷавони мактабҳои таҳсилоти миёнаи пойтахт меравад, ки бинобар дур гаштан аз таълиму таҳсил даст ба ҷинояти авбошӣ задаву, оқибат ба пушаймонӣ, марги чанд нафар ва паси панҷара рафтани дигар иштирокчиёни ин ҳодиса оварда расонидааст.
Дар вохӯрӣ муовини сардори Раёсати кадрҳо ва кор бо ҳайати шахсии Вазорати корҳои дохилӣ, полковники милитсия Хушвахт Шарифзода баромад карда, вобаста ба ҳолатҳои даст ба ҷинояту қонуншиканӣ задани ҷавонону наврасон, алалхусус хонандагони муассисаҳои таҳсилоти миёнаи умумӣ, роҳҳои ҳалли мушкилот ва тарғиби илму донишандӯзӣ суханронӣ намуд.
Зикр гардид, ки таълиму тарбияи дуруст, аз худ намудани донишу маърифат, касбу ҳунар ва одобу ахлоқи ҳамида яке аз самтҳои асосие мебошанд, ки диққати аввалиндараҷаи мактаббачагон, волидайни онҳо ва омӯзгорон бояд ба он равона карда шавад.
Мутаасифона, ҳодисаҳои вақтҳои охир, вобаста ба муноқишаҳои гурӯҳӣ миёни мактаббачагону ҷавонон ва содиршавии дигар кирдорҳои номатлуб боиси нигаронии ҷомеа гардидаанд. Бинобар ин, ҳар як фарди ҷомеа, алалхусус хонандагонро зарур аст, дар ин раванд бетараф набуда, дар пешгирии қонуншиканӣ ва ба роҳи каҷ рафтани наврасону ҷавонон - ҳамсолони худ саҳмгузор бошанд.
«Агар ин нафароне, ки даст ба ҷинояткорӣ ва дигар кирдорҳои номатлуб задаанд, бештар ба донишомӯзию илму адаб машғул мегаштанд, аз панду насиҳати бузургон бархӯрдор мебуданд, ҳаргиз ба чунин роҳ намерафтанд. Ҳар як кирдору амали зиште, ки аз ҷониби ноболиғону ҷавонон содир мегардад, ҷавобгарӣ дошта, дар дафтари зиндагӣ ҳамчун доғ боқӣ мемонад ва таъсири он ба наздикону пайвандонашон низ мерасад», - иброз дошт Хушвахт Шарифзода.
Хонандагон бояд аз корҳои беҳуда, шабгардӣ, тамошои филмҳои хусусияти зӯроваридошта канораҷӯӣ намуда, вақти қиммати худро ба таҳсилу варзиш, омӯхтани касбу ҳунар, аз худ намудани технологияи муосир ва забонҳои хориҷӣ сарф намоянд, то ки дар оянда дар ҷомеа соҳиби обрӯ ва номбардори падару модари худ гарданд.
Тавре Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон таъкид намудаанд: «Ҷавонон бояд хуб дарк намоянд, ки тақдири ояндаи халқу давлат ба дӯши онҳо гузошта шудааст. Ҳифзу обод кардан ва ба наслҳои оянда ба мерос гузоштани Ватани ободу рушдёбанда масъулияти бузург дорад ва ҳар фарди ҷавонро вазифадор менамояд, ки ба хотири таҳкими ваҳдати миллӣ, истиқлолияти давлатӣ, густариши худшиносиву худогоҳӣ ва ватандӯстӣ кӯшишу талош намояд».

Кӯшишу ғайрати мақомоти милитсия низ дар ҳамкорӣ бо ҳайати устодону омӯзгорони муассисаҳои таҳсилотии кишвар ба пешгирии ҷинояткорӣ ва содиршавии ҳуқуқвайронкунӣ миёни наврасону ҷавонон равона шуда, дар ин самт мунтазам корҳои фаҳмондадиҳӣ ва сӯҳбату вохӯриҳои судманд гузаронида мешавад.
Дар хотима миёни иштирокчиёни вохӯрӣ суҳбати озоду самимӣ сурат гирифта, хонандагон ба саволҳои худ аз масъулини мақомоти милитсия посухи зарурӣ гирифтанд. Хонандагон дар сӯҳбат иброз доштанд, ки аз ин вохӯрӣ таасуроти хуби пандомезу тарбиявӣ бардоштанд.
Солиҳов Х.М., подполковники милитсия  


You have no rights to post comments



Рӯйдодҳо

  • Даст ба дуздӣ задани марди 33-сола

    Ба ШВКД-1 дар ноҳияи Рӯдакӣ бо ариза марди 59-солаи сокини ....

    26.05.2020 10:10
  • Боздошти заминсоз барои гирифтани пора

    Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди ....

    26.05.2020 10:09
  • Ошкор гардидани куштор дар шаҳри Бохтар

    Барои одамкушӣ, яъне қасдан аз ҳаёт маҳрум сохтани шахси дигар ....

    25.05.2020 11:33
  • ҚАЛЛОБӢ

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 56-солаи ....

    25.05.2020 10:09
  • Ошкор шудани дуздии 3-сар чорвои калони шохдор

    Ба ШВКД дар ноҳияи Фархор бо ариза марди 69-солаи сокини ....

    25.05.2020 10:07
  • Сӯхтор дар бозори марказии ноҳияи Шаҳритус

    Соати 17:30 дақиқаи рӯзи 24 майи соли равон дар Бозори ....

    24.05.2020 23:31
  • Қадрдонии ҷавонон аз ҷониби роҳбарияти РВКД дар ВМКБ

    Бахшида ба «Рӯзи ҷавонон» дар РВКД ВМКБ ба бархе аз ....

    23.05.2020 12:46
  • Кӯмак ба кормандони Раёсати тиббии Вазорати корҳои дохилӣ

       Хайру эҳсон яке аз амалҳои наҷиб ба шумор рафта, афроди ....

    23.05.2020 12:39
  • Дуздии 8 ҳазор сомонӣ аз дохили дукони нонпазӣ

    Ба ШВКД-1 дар ноҳияи Шоҳмансур бо ариза марди 48-солаи сокини ....

    23.05.2020 09:58
  • Ҳалокати 4 нафар дар садамаи нақлиётии марговар

    Рӯзи 21-уми майи соли 2020, тахминан соати 23:20-дақиқа, ронандаи автомашинаи ....

    23.05.2020 09:56
  • 

    Гӯшаи эълон ва озмунҳо

  • ТАВАҶҶУҲ!!!

    Ба ҳамаи кормандони мақомоти корҳои дохилӣ расонида мешавад, ки ҳангоми ....

    02.05.2020 17:50
  • Эълон!

    Шуъбаи махсуси карантинии милитсияи Вазорати корҳои дохилии Ҷумҳурии Тоҷикистон омодааст, ....

    20.04.2020 11:13
  • Эълон барои қабули мутахассисони соҳавӣ

    Раёсати ташхисӣ (эксперт) - криминалистии Вазорати корҳои дохилии Ҷумҳурии Тоҷикистон ....

    17.04.2020 13:16
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика