Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дониш андар дил чароғи равшан аст…

Масъалаҳои вобаста ба илмомӯзиву донишандӯзии насли наврас ва пешгирии амалу кирдорҳои номатлуб дар байни онҳо аз ҷумлаи мавзӯъҳое буданд, ки зимни вохӯрии роҳбарияти Академияи ВКД бо омӯзгорону хонандагони муассисаи таҳсилоти миёнаи умумии №60-и ноҳияи Синои шаҳри Душанбе мавриди баррасӣ қарор дода шуданд.
Тавре дар оғози ин ҷамъомад, ки рӯзи 26-уми апрел доир гардид, сардори Академияи ВКД, номзади илмҳои ҳуқуқ, генерал-майори милитсия Шарифзода Файзалӣ Раҳмоналӣ иброз намуд, вохӯрии мазкур тибқи дастуру супоришҳои Вазири корҳои дохилӣ генерал-лейтенанти милитсия Раҳимзода Рамазон Ҳамро ва дар доираи нақша-чорабиниҳои якҷояи Вазорати корҳои дохилӣ ва Вазорати маориф ва илми ҷумҳурӣ амалӣ гардида, мақсад аз он пешгирии ҳодисаҳои номатлуби худкушӣ ва сӯйиқасд ба он, муноқишаҳои байнимактабӣ, тарбияи хонандагон дар рӯҳияи ватандӯстиву ифтихори миллӣ ва дигар масъалаҳои вобаста ба ҳаёту фаъолияти насли наврас мебошад.
Дар рафти чорабинӣ оид ба талаботи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи маҳдуд намудани истифодаи маҳсулоти тамоку», «Дар бораи озодии виҷдон ва иттиҳодияҳои динӣ» ва дигар санадҳои меъёриву ҳуқуқӣ ибрози андеша карда шуд.
Масъулини Академияи ВКД доир ба истифодаи телефонҳои мобилӣ аз тарафи ноболиғон, риояи қоидаҳои таҳсил ва тарзи либоспӯшии хонандагон, пешгирии ҳодисаҳои роҳу нақлиётӣ бо иштироки онҳо ва дигар амалҳое, ки боиси доғдор гардидани рӯзгори минбаъдаи ин насли ояндасоз шуда метавонанд, изҳори андеша намуда, аз муҳассилини муассисаи таҳсилоти миёнаи умумии №60-и ноҳияи Синои пойтахт даъват ба амал оварданд, ки аз ҳар лаҳзаи мактабхонӣ самаранок истифода намуда, баҳри азхуд кардани донишҳои замони муосир ва забонҳои хориҷӣ кӯшиш ба харҷ диҳанд.

Дар ҷамъомади мазкур, ҳамзамон оид ба эълон гардидани соли 2017 - «Соли ҷавонон» ва дастгириву ғамхориҳои рӯзафзуни Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбати наврасону ҷавонон андешаҳо иброз гардида, зикр карда шуд, ки имрӯзҳо дар доираи ин ташаббуси Пешвои миллат дар саросари кишвар, аз ҷумла дар Академияи ВКД низ ҳар гуна чорабиниҳои фарҳангиву фароғатӣ ва маърифатӣ гузаронида шуда истодаанд.
Тавре қайд карда шуд, роҳбарияти ВКД низ ба масъалаи дастгирии ҳамаҷонибаи ноболиғону ҷавонон таваҷҷуҳи хосса зоҳир намуда, бо ин мақсад чандин маротиба суҳбату вохӯриҳои Вазири корҳои дохилӣ генерал-лейтенанти милитсия Раҳимзода Рамазон Ҳамро бо хонандагони муассисаҳои таҳсилоти миёнаи умумӣ ва донишҷӯёни донишгоҳу донишкадаҳои кишвар баргузор гардиданд.
Дар вохӯрии кормандони милитсия бо омӯзгорону хонандагони ин муассисаи таълимӣ, ҳамчунин курсантони Академияи ВКД низ иштирок намуда, дар назди иштирокчиёни ҷамъомад бо шеърҳои қироатнамудаи худ дар васфи Ватану сулҳу ваҳдат ва миллатдӯстӣ баромад карданд.
Омӯзгорону хонандагони муассисаи таҳсилоти миёнаи умумии №60-и ноҳияи Сино аз ин иқдоми роҳбарияти мақомоти корҳои доилӣ ва Академияи ВКД изҳори хушҳолӣ намуда, зикр карданд, ки баргузории чунин чорабиниҳои тарғиботӣ ба ҷаҳонбинии насли наврас ва илму донишандӯзии онҳо таъсири мусбат мерасонад.
Дар фарҷоми вохӯрӣ аз тарафи масъулини Академияи ВКД ба китобхонаи ин муассисаи таҳсилоти миёнаи умумии пойтахт 10 нусха китоби доктори илмҳои таърих, генерал-майори милитсия Розиқзода А.Ш. «Вазирони корҳои дохилии Тоҷикистон» ҳадя карда шуд.
У. ОЛИМ, Ш. УБАЙДУЛЛОЕВ 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика