Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ифтитоҳи бинои нави Хадамоти давлатии «Муҳофиза» дар ноҳияи Спитамен

Имрӯз (25.03.с.2017), дар партави сафари кории Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд, Вазири корҳои дохилӣ генерал-лейтенанти милитсия Раҳимзода Рамазон Ҳамро дар ифтитоҳи бинои нави шӯъбачаи Хадамоти давлатии «Муҳофиза» дар ноҳияи Спитамен иштирок намуд.

Дар маросими кушодашавии шуъбачаи мазкур, раиси ноҳияи Спитамен, роҳбарият, ҳайати шахсӣ, собиқадорони Хадамоти давлатии «Муҳофиза»-и Вазорати корҳои дохилӣ ва аҳли ҷамоатчигӣ ширкат доштанд.
Зимни вохӯрӣ Вазири корҳои дохилӣ ҳайати шахсиро бо фарорасии Иди байналмиллалии Наврӯз самимона табрик гуфта, ба онҳо дар фаъолияти хизматиашон комёбию бурдбориҳоро таманно намуд.

Мавсуф ҳангоми суханронӣ ҷиҳати тақвият бахшидани фаъолияти хизматӣ дар самти ҳифзи тартиботи ҷамъиятӣ, муҳофизати бинову иншоотҳо, пешгирии ҷинояту ҷинояткорӣ ва волоияти қонун, инчунин сайқал додани дониш, баланд бардоштани малакаю маҳорати касбӣ ва машғул шудан ба варзиш ба масъулини соҳа як қатор дастуру супоришҳо дод.

Зимни мулоқот Вазири корҳои дохилӣ ба кормандони Хадамоти давлатии «Муҳофиза» таъкид намуд, ки на танҳо дар самтҳои муҳофизати бинову иншоотҳои вобасташуда фаъолиятро пурзӯр намоянд, балки бо ҷинояту ҷинояткорӣ, алалхусус бо терроризму экстремизм муборизаи беамон баранд.
Мавриди зикр аст, ки бинои хушсохти шуъбачаи Хадамоти давлатии «Муҳофиза»-и ноҳияи Спитамен дар як муддати кӯтоҳ ба тарҳи замонавӣ сохта шуда, бо тамоми шароити корӣ, таҷҳизоти техникию воситаҳои алоқа муҷаҳҳаз гардидааст. Бинои шӯъбача аз ду ошёна ва таҳхона иборат буда, дар он қисми навбатдорӣ, шаш ҳуҷраи корӣ, маҷлисгоҳ, бойгонӣ, толори варзишӣ ва ошхона ҷойгир шудаанд. Ҳамчунин, дар шафати бинои мазкур барои ҳайати шахсӣ майдончаи сафороӣ ва ҳаммом бунёд гардидааст.
Чунин шароит имкон фароҳам меорад, ки кормандони милитсия дар пеш бурдани фаъолияти хизматӣ ва назму тартиб нақши созгор гузоранд.
Рухшона Шукурова, Хусрав Солиҳов 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика