Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Сипосномаи Ато Ҳамдам ба Вазири корҳои дохилӣ

Ба Вазири корҳои дохилии       

Ҷумҳурии Тоҷикистон                

генерал-лейтенанти милитсия

Раҳимзода Рамазон Ҳамро       

Мӯҳтарам Вазир!

Ба иттиллои Шумо мерасонам, ки дар таърихи 31-уми моҳи марти соли 2015 ман ба доми як гурӯҳ қаллобони касбӣ, ки аз соли 1996 инҷониб ба фиреби шахсони мошиндор машғул буда, даҳҳо нафарро сарсону саргардон ва аз мошини шахсиашон маҳрум гардондаанд, афтодам.

Хушбахтона, тавассути азму талош ва чусту чолокии кормандони шӯъбачаи кофтукови ҷиноятҳои Раёсати Вазорати корҳои дохилӣ дар шаҳри Душанбе – сардори шӯъбача капитан Ҷумъахон Қосимов, подполковники милиса Аъзамҷон Умуров, капитани милиса Баҳодур Холов ва лейтенанти калон Ҳаким Солиҳов баъди як ҳафта қаллобони ашадӣ Асадулло Ибодуллоевич Деҳқонов – сардори даста (соли таваллудаш 1952), Сӯҳроб Амонуллоевич Раҳимов (соли таваллудаш 1982) ва Додарбек Неъматович Юсупов (соли таваллудаш 1960) дар ноҳияи Ҳисор ҳини ба савдо андохтани мошини шахсии ман ба даст афтоданд. Агар чусту чолокӣ ва маҳорату кордонии ин ҷавонмардони ҳақиқӣ – кормандони ҷонсӯзи мақомоти Шумо намешуд, шояд дигар ман на мошинамро пайдо мекардаму на ягон сомонӣ ба даст меовардам.

Мӯҳтарам Вазир! Ман аз самими дил ба Шумо, ба кормандони Раёсати корҳои дохилии шаҳр ва шахсан ба Ҷумъахон Қосимов, Аъзамҷон Умуров, Баҳодур Холов ва Ҳаким Солиҳов самимона арзи сипос менамоям. 

             Бо эҳтиром,

Хоҷаев Ато Ҳамдамович (Ато Ҳамдам) истиқоматкунандаи

ш. Душанбе, кӯчаи Исмоили Сомонӣ, ҳавлии 77/3, манзили 71.

Ҳамраиси Анҷумани ноширон ва тарҷумонҳои

Иттиҳоди Давлатҳои Мустақил ва Балтия,

узви Иттиҳоди нависандагони Тоҷикистон ва Белорус.

Барандаи ҷоизаи Олии адабии Покистон,

Корманди шоистаи Ҷумҳурии Тоҷикистон,

Сармуҳаррири интишороти «ЭР-граф».

6 апрели соли 2015


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика