Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ёдат ба хайр, дӯст, бародар ва ҳамкори азиз!

Роҳбарият ва ҳайати шахсии Вазорати корҳои дохилии Ҷумҳурии Тоҷикистон аз марги нобаҳангоми лейтенанти калони милитсия Ҳукуматзода Камолиддин Раҷабали – бозраси калони Взводи махсуси Ротаи хадамоти роҳбонии Раёсати бозрасии давлатии автомобилии Вазорати корҳои дохилии Ҷумҳурии Тоҷикистон сахт андӯҳгин мебошанд.

15-уми январи соли 2018 соати 20:00, ҳангоми иҷрои вазифаҳои хизматӣ дар кӯчаи Ҷ.Расулов, ноҳияи Синои шаҳри Душанбе, зимни боздошти воситаи нақлиётии тамғаи «Опел-Астра», рақами қайди давлатиаш 77-34 ЕА 01, ки ронандааш дар ҳолати сархушӣ қарор дошт, ӯро аз пой зада меафтонад, ки риштаи ҳаёти корманди мо лейтенанти калони милитсия Ҳукуматзода Камолиддин Раҷабали дар сини 32-солагӣ канда шуд.
Ҳукуматзода Камолиддин Раҷабали 30 январи соли 1985 дар ноҳияи Файзобод, дар оилаи коргар ба дунё омадааст.
Баъди хатми мактаби миёнаи №1 ноҳияи Файзобод соли 1999 ба Коллеҷи Техникии Тоҷикистон ба факултаи «Сохтмон ва роҳсоз» дохил шуда, онро бомуваффақият хатм намудааст. Дар соли 2015 ба Академияи ВКД Ҷумҳурии Тоҷикистон ба факултаи «Ҳуқуқшинос» дохил шуда, дар бахши 3-юм таҳсил менамуд.
Аз моҳи феврали соли 2013 дар мақомоти корҳои дохилӣ ба кор фаъолият намуда, дар ин муддат дар вазифаҳои ҳайати миёна ва роҳбарикунанда сарбаландона фаъолият намудааст.
Дар муддати кориаш дар мақомоти корҳои дохилӣ худро ҳамчун корманди фаъол ва ташаббускор нишон дода, баҳри волоияти қонун, тарбияи кормандони ҷавон, баланд бардоштани натиҷаҳои фаъолият дар мақомоти милитсия кӯшиш ба харҷ медод.
Ин буд, ки фаъолияти кории Ҳукуматзода Камолиддин Раҷабали аз тарафи роҳбарияти Вазорати корҳои дохилии Ҷумҳурии Тоҷикистон ва Раёсати бозрасии давлатии ВКД ҶТ қадрдонӣ карда шуда, бо якчанд мукофотҳо сарфароз гардонида шудааст.
Марги нобаҳангоми дӯст, бародар, ҳамкор моро сахт андӯҳгин карда, ба аҳли оила ва хешу табори марҳум сабри ҷамил хоҳонем.
Хотираи неки Ҳукуматзода Камолиддин Раҷабали абадӣ дар қалби мо зиндаю ҷовид хоҳад монд.

Роҳбарият ва ҳайати шахсии Вазорати корҳои дохилии Ҷумҳурии Тоҷикистон


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика