Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Эълон оид ба баргузории конференсияи ҷумҳуриявӣ

Рӯзи 31-уми октябри соли 2019 бахшида ба 25-солагии рӯзи қабули Конститутсияи Ҷумҳурии Тоҷикистон ва 30-солагии Истиқлолияти давлатии Ҷумҳурии Тоҷикистон баргузории конференсияи илмӣ-назариявии ҷумҳуриявӣ дар мавзӯи «Нақши Конститутсияи Ҷумҳурии Тоҷикистон дар эъмори давлати демократӣ ва ҳуқуқбунёд» аз ҷониби Академияи Вазорати корҳои дохилии Ҷумҳурии Тоҷикистон ба нақша гирифта шудааст.

Дар кори конференсияи мазкур олимони соҳаи ҳуқуқшиносӣ, намояндагони ҳокимияти қонунгузор, иҷроия ва суд, адвокатура, роҳбарият ва кормандони мақомоти ҳифзи ҳуқуқ, ки ба нақшаи мавзӯи конференсия ҳавасманданд, метавонанд иштирок намоянд.
Дар кори конференсия баррасии масъалаҳо вобаста ба рушди Конститутсияи Ҷумҳурии Тоҷикистон, зарурати ворид намудани тағйиру иловаҳо, нақши Конститутсия дар эъмори давлати демокративу ҳуқуқбунёд, таъмини ҳуқуқу озодиҳои инсон ва шаҳрванд ба нақша гирифта шудааст.
Ҳамчунин дар кори конференсия мавзӯъҳои зерин баррасӣ мегарданд:
- «25 соли амали Конститутсияи Ҷумҳурии Тоҷикистон: дастовард ва дурнамои он»;
- «Аҳамияти Конститутсияи соли 1994 ҷиҳати эъмори давлати демократӣ ва ҳуқуқбунёд»;
- «Давраҳои инкишофи конститутсияҳои Ҷумҳурии Тоҷикистон: таҳлили муқоисавӣ-таърихӣ»;
- «Конститутсияи Ҷумҳурии Тоҷикистон - таҷассумгари арзишҳои ҳуқуқи инсон»;
- «Конститутсия ҳамчун падидаи ҳуқуқӣ ва сиёсӣ»;
- «Нақши Конститутсияи Ҷумҳурии Тоҷикистон дар таҳкими ҳокимияти давлатӣ»;
- «Конститутсияи Ҷумҳурии Тоҷикистон ва масоили идоракунии давлатӣ».
Иштироки бевосита ва ё ғоибона дар кори конференсия имконпазир аст. Хароҷоти роҳ, истиқомат ва хӯрду хӯрок аз ҳисоби худи иштироккунанда ё ҷониби равонкунанда мебошад. Даъвати иштирокчиён баъд аз қабули дархост ва баррасии фишурда (тезис) ё мақола ба роҳ монда мешавад.
Забони кори конференсия – тоҷикӣ ва русӣ.
Баромад ва мақолаҳоро метавонед бо забони тоҷикӣ, русӣ ирсол намоед.
Барои иштирок дар кори конференсия то 25-уми октябри соли 2019 дархост (замимаи 1) ва шакли электронии фишурда (тезис) ва мақола (замимаи 2) қабул карда мешаванд.
Дархосте, ки баъд аз 25-уми октябри соли 2019 ирсол карда мешавад, баррасӣ намегардад.
Баъд аз анҷоми кори конференсия омода намудани маҷмӯаи маводи конференсия, ба нақша гирифта шудааст.
Суроғаи электронӣ барои ирсоли мавод: Этот адрес электронной почты защищен от спам-ботов. У вас должен быть включен JavaScript для просмотра. .
Оид ба дигар масъалаҳои вобаста ба кори конференсия метавонед тавассути телефонӣ: + (992 37) 226-33-95; (992) 931-13-14-14 дар тамос бошед.
Шахси масъул: Бобоназарзода Фарҳод Шарофидин.
Иштироки Шуморо дар кори конференсия таманно дорем!
Кумитаи тадорукот




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика