Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Оғози озмуни ҷумҳуриявии «Нозирони навраси ҳаракат»

212

Рӯзи 25-уми июни соли равон, дар толори «Кохи Суруш»-и шаҳри Душанбе даври 9-уми озмуни ҷумҳуриявии «Нозирони навраси ҳаракат» оғоз гардид.

Дар маросими кушодашавии он роҳбарияти Вазорати корҳои дохилӣ, Раёсати БДА, дастаҳои иштирокчии озмун ва намояндагони васоити ахбори омма иштирок намуданд.
Пас аз садо додани Суруди миллӣ, чорабиниро бо сухани ифтитоҳӣ сардори РБДА генерал-майори милитсия Насимзода Акбар Ғиёс оғоз намуда, зикр кард, ки дар партави сиёсати хирадмандонаву созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ватани мо ба пешравию дастовардҳои нав ба нав ноил гардида, рӯз то рӯз ободу зебо шуда истодааст. Соли нӯҳум аст, ки дар ин кишвари азизу маҳбубамон бо дастгирии роҳбарияти ВКД озмуни ҷумҳуриявии «Нозирони навраси ҳаракат» гузаронида мешавад.
- Имсол низ озмуни навбатӣ дар арафаи таҷлили 22-юмин солгарди Рӯзи ваҳдати миллӣ баргузор мегардад, ки боиси сарфарозист. Итминон дорам нозирони наврас дар навбати худ миёни ҳамсолон дар тарғибу ташвиқи риояи қоидаҳои ҳаракат дар роҳҳои автомобилгард ва пешгирии ҳодисаҳои нақлиётӣ, ки бо иштироки наврасон содир мешавад, саҳми худро мегузоранд, - афзуд сардори раёсат ва ба дастаҳои иштирокчӣ муваффақият таманно намуд.

213214215216

Дар озмуни ҷумҳуриявии «Нозирони навраси ҳаракат» 13 даста бо иштироки 130 нафар нозирони навраси ҳаракат аз Муассисаҳои таълимии Мактаб-интернати №1, гимназияҳои №1 ва №74-и шаҳри Душанбе, шаҳрҳои Хуҷанд, Истаравшан, Левакант, литсейи Оғохони шаҳри Хоруғ, Ваҳдат, Турсунзода ва ноҳияҳои Бобоҷон Ғафуров, Данғара, Ҷалолиддини Балхӣ ва Рӯдакӣ иштирок доранд.

Иштирокчиён аз рӯйи намудҳои «Азназаргузаронии сафороӣ», «Донишмандони қоидаҳои ҳаракат дар роҳ», «Дарси кушод», «Чархи амонӣ», «Танзимгари наврас», «Малакаи касбӣ» ва дигар бахшҳои озмун миёни ҳам қувваозмоӣ менамоянд.
Мақсад аз баргузории озмуни мазкур, пеш аз ҳама хуб ба роҳ мондани корҳои тарғиботиву ташвиқотӣ миёни ноболиғону наврасон, омӯзиши бештари қоидаҳои ҳаракат дар роҳ ва пешгирии ҳодисаҳои роҳу нақлиёт аз ҷониби наврасон мебошад.

Раҷаббек ИЛЁСОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика