Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Рамазон- моҳи амалҳои хайр ва дорои фазилатҳои бузург

1006Моҳи шарифи Рамазон, ки тибқи ҳадисҳои набавӣ аз беҳтарин моҳҳои солшуморӣ маҳсуб меёбад, дорои фазилатҳои бузургест, ки муҷиби некбахтию саодатмандии мусулмонон арзёбӣ мегардад.

Моҳи Рамазон- моҳи сабру таҳаммулпазирӣ, хайру саховатмандӣ ва дигар амалҳои накӯкорӣ аст. Аз ин лиҳоз, дар ин моҳи муборак инсони солеҳро фурсати муносибе пайдо мегардад, то бо рафтору гуфтори шоиста савоби бузургро ба даст оварад. Рамазон моҳи раҳмат, моҳи нузули Қуръон, моҳи сабру шикебоӣ ва хайру эҳсон аст. Мардум бо сабаби анҷомдодани рӯзаи моҳи шарифи Рамазон нахуст раҳмати Худоро ба даст оварда, соҳиби тани сиҳату савоби бузург мегарданд. Бузургии ин моҳ дар он аст, ки дар ин шабу рӯз китоби ҳидоятгари Қуръони карим нозил шудааст, ки барои одамон роҳи ҳақро аз ботил ҷудо мекунад. Тавре, ки дар оятҳои сураи «Бақара» омадааст: «Эй касоне, ки имон овардаед, фарз карда шуд бар шумо рӯзаи моҳи шарифи Рамазон. Ҳамчунон ки барои пеш аз шумо гузаштагон фарз буд. Шояд, ки бо сабаби ин моҳ растагор шавед». Яъне бо шарофати моҳи шарифи Рамазон инсон ба раҳмати Худованд мушарраф мегардад. Аз сӯйи дигар, доштани рӯза дар ин моҳи бузург барои инсон аз чанд ҷиҳат фоидаҳои равонӣ, маънавӣ, ҷисмонӣ ва иҷтимоӣ дорад. Аммо рӯзагирӣ фақат даҳон пӯшидан аз истеъмоли ғизо нест, балки парҳезкорӣ аз амалу кирдорҳои номатлуб аст. Дар рӯзҳои моҳи Рамазон бояд ҳама аъзои бадан рӯзадор бошанд, дар мисоли забон аз гуфтори нохуб нигоҳ доштан, чашм аз нигоҳи бад, гӯш аз шунидани ҳарфҳои номатлуб парҳез мебояд. Дар ин сурат инсон рӯзадори комил буда метавонад. Аслан, амалҳои шоиста дар зиндагии рӯзмарраи мусулмон зарур аст, вале дар моҳи шарифи Рамазон ин ҳукм дубора таъкид шудааст.
Ҳадиси Муҳаммад (с.а.) аст, ки аз Ҳазрати Абуҳурайра (р.) ривоят шудааст: «Муҳаммад (с.а.) гуфт: Ҳар гоҳе, ки моҳи Рамазон фаро расид, ҳама дарҳои биҳишт кушода мешаванд ва ҳама дарҳои дӯзах баста ва ҳама шайотин занҷирбанд карда мешавад». Ҳамчунин ҳадиси саҳех аст, ки аввали моҳи шарифи Рамазон раҳмати Худованд барои бандагонаш нозил шуда, миёнаи ин моҳ давраи мағфирати гуноҳҳои бандагон бувад ва даҳҳаи охир наҷоти бандагон аз оташи дузах аст. Аз ин рӯ, барои ин ҳама неъматҳои илоҳиро сазовор шудан бояд тавре кору зиндагӣ намоем, ки ҳам барои манфиати худамон ва ҳам ба фоидаи давлату халқ саҳм гузошта тавонем. Дар ин моҳ, ки ваъдаи иҷобати дуоҳост, бояд пеш аз ҳама, барои тинҷию осудагии кишвар ва рушду ободии Ватани азизамон дуо кунем.
Албатта, Моҳи Рамазон моҳи хайру зҳсон аст. Чуноне ки дар ҳадиси Расули Акрам (с.а.) омадааст: «Агар шахсе ҳоҷати бародареро барорад, Худованд ҳоҷати ӯро бароварда созад». Аз ин рӯ, мардум бояд ҳамеша якдигарро дастгирӣ намоянд ва амри Парвардигор аст, ки мегӯяд некӣ кунед. Дар ин маврид дар ояти каломуллоҳ омадааст, ки: «Шумо корҳои хайрро анҷом диҳед, ки шояд растагор шавед».
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронии хеш иброз доштанд, ки: «Дар моҳи шарифи Рамазон амалҳои неку писандида, аз ҷумла хайру садақа на ба хотири зоҳирпарастӣ, намоишкорӣ, исрофкорӣ ва худро аз дигарон беҳтар нишон додан, балки барои ба даст овардани хушнудии Худованд анҷом дода мешавад. Тибқи оятҳои қуръонӣ, беҳтарин бандагон дар назди Худо парҳезгортарини онҳоянд. Мардуми шарифи мо хуб медонанд, ки ба рӯҳу арвоҳи гузаштагон танҳо савоби дуо ва қироати каломи рабонӣ мерасад. Яъне, худдорӣ кардан аз зоҳирпарастиву исрофкорӣ ва оростани дастархони серхарҷ аз аъмоли воҷиби дини мубини ислом шуморида мешавад».
Аз ин лиҳоз, ҳар нафари мо, сокинони кишварро мебояд, ки дар пайравӣ аз дастуру ҳидоятҳои Пешвои муаззами миллат ва риояи бечунучарои муқаррароти Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» амал намуда, ба оростани дастархони пурдабдабаву намоишкорона ва дигар исрофкориҳо роҳ надиҳем.
Фаромӯш набояд кард, ки дар ин моҳи сабру ҳамдилӣ, хайру накукорӣ ва моҳе, ки дар рӯзгори мардумон файзу баракат ва ризқу рӯзии фаровон меафзояд, ба ятимону пирони барҷомонда кумак расонидан, ниёзмандеро ғизо додан сабаби мағфирати гуноҳон ва тнаҷоту растагорист.

Кароматулло Абдуллоев
СХДО ВКД ҶТ




Рӯйдодҳо

  • Қаблан судшудаҳо боз даст ба ҷиноят заданд

    Барои ҷинояти дуздӣ - ҷиноят ба муқобили моликият дар моддаи ....

    28.09.2020 14:10
  • Аз ҳиссиёти авбошӣ бо корд захмӣ намудани марди 53-сола

    Ба ШВКД-2 дар ноҳияи Шоҳмансур бо ариза марди 53-солаи сокини ....

    28.09.2020 10:57
  • Таҳдиди зӯроварӣ ба воситаи таппончаи кӯдакона

    Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду ....

    28.09.2020 10:54
  • Садамаҳои нақлиётии марговар дар манотиқи гуногуни кишвар

    Рӯзи 25-уми сентябри соли 2020, тахминан соатҳои 09:20- дақиқа, ронандаи ....

    28.09.2020 10:53
  • Боздошти ду зан барои содир намудани ҷинояти ғоратгарӣ

    Ба ШВКД дар шаҳри Ваҳдат бо ариза зани 42-солаи сокини ....

    26.09.2020 10:11
  • Шикояти зан барои латукуби беасоси шавҳар

    Ба ШВКД-2 дар ноҳияи Шоҳмансур бо ариза зани 40-солаи сокини ....

    26.09.2020 10:08
  • Ошкор гардидани ду ҳолати дуздӣ

    Ба ШВКД-1 дар ноҳияи Фирдавсӣ бо ариза ҷавони 26-солаи сокини ....

    25.09.2020 10:13
  • Боздошти зани 30-сола барои ташкил ва нигаҳдошти фоҳишахона

    Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани ....

    25.09.2020 10:10
  • Ба ҳалокат расидани мусофир дар садамаи нақлиётӣ

    Рӯзи 24-уми сентябри соли 2020, тахминан соатҳои 07:30-дақиқа, ронандаи автомашинаи ....

    25.09.2020 10:08
  • Боздошти марди 40-сола барои дуздии чорво

    Ба ШВКД дар ноҳияи Нуробод бо ариза марди 31-солаи сокини ....

    24.09.2020 10:48
  • 

    Гӯшаи эълон ва озмунҳо

  • Озмун барои таҳсил дар Федератсияи Россия

    Вазорати корҳои дохилии Ҷумҳурии Тоҷикистон қабули довталабонро баъди синфи 11 ....

    04.09.2020 10:09
  • Эълон: Омӯзиши фанҳои дақиқ

    Маркази таълимии «Баҳодур» ҷиҳати иҷрои дастуру супоришҳои Асосгузори сулҳу ваҳдати ....

    11.08.2020 11:33
  • Диққат! Амалиёти «Бачаҳо»

    Раёсати БДА ВКД Ҷумҳурии Тоҷикистон ба диққати ҳамаи иштирокчиёни ҳаракат ....

    11.08.2020 11:29
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика