Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯриҳои машваратӣ ва чорабиниҳо дар байни ҷавонони минтақаи Рашт

322

Имрӯз тамоми ҷомеаи башариро ҳизбу ҳаракатҳои террористӣ ва ифротгароӣ ба ташвиш овардааст ва яке аз ҳадафҳои ин гурӯҳҳо шомил кардан ва истифода аз ҷавонон мебошад.
Дар як қатор давлатҳо ҷангҳои харобиовар идома дошта, боиси афзоиши фирориёни иҷборӣ, бекорӣ, гуруснагӣ ва шиддат гирифтани проблемаҳои иҷтимоӣ гардидаанд. Дар ин робита, ҳамчунин, дар ақсои олам терроризму экстремизм беш аз ҳар вақт авҷ гирифта, бо оқибатҳои даҳшатбору бераҳмонаи худ мушкилоти ҷиддитарини инсоният ба ҳисоб меравад.
Ташкилоту гурӯҳҳои террористӣ дар амалисозии ниятҳои ғаразноки худ бештар ба ҷавонон такя мекунанд. Сабаби асосии ба ин гурӯҳҳо пайвастани ҷавонон:
1.Маълумоти комил надоштани онҳо аз моҳият ва таълимоти ахлоқиву фикрии дини мубини Ислом.
2.Омилҳои иҷтимоию иқтисодӣ, махсусан бекорӣ.
3.Фирефта шудан аз тарғибу ташвиқи эмиссарони хориҷӣ, тавассути шабакаи ҷаҳонии Интернет.
4.Камсаводӣ ва надоштани ҳисси ватандӯстӣ.
5 Таъсири таассуби динӣ мебошанд.
Дар ин замина, тарбияи насли солим, соҳибмаърифат ва худшиносу худогоҳ як шарти муҳими инкишофу бехатарии ҷомеа ба шумор меравад. Шахси ватандӯст хиёнаткор шуда наметавонад. Танҳо шахси воқеан ватандӯст метавонад дилсӯзона ва бо тамоми ҳастӣ ҳифзи амният ва ободии Ватани худро таъмин созад. Дар раванди тарбияи ватандӯсти пешгирӣ кардани зуҳуроти ифротгароӣ ва таассуби динӣ, аз таъсири таблиғоти экстремистӣ ва оштинопазирии милливу мазҳабӣ эмин нигоҳ доштани ҷавонон аз ҷумлаи вазифаҳои давлат ва ҷомеаи шаҳрвандӣ мебошад.

323

Мо аъзоёни Шӯрои ҷамъиятӣ дар назди Раёсати ВКД дар минтақа ва ноҳияи Рашт ба воситаи вохӯриҳои машваратӣ ва чорабиниҳо барои баланд бардоштани ҳисси ватанпарвариву худшиносии миллӣ, сатҳи маърифату донишандӯзӣ, рушду такомули ҷавонон пайваста кӯшиш мекунем. Яке аз вазифаҳои муқаддас ва қарзи инсонии аҳли ҷомеа аз амалу рафтори ноҷо ва ғайриқонунӣ нигоҳ доштан ва ба роҳи дуруст ҳидоят кардани наврасон ва ҷавонон мебошад.
Маҳмадов Диловар, аъзои Шӯрои ҷамъиятӣ оид ба ислоҳоти милитсия дар назди РВКД дар минтақа ва ноҳияи Рашт, омӯзгор.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика