Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Донишҷӯёни фаъол қадрдонӣ гардиданд

484

Дар доираи нақша-чорабиниҳои тасдиқнамудаи Вазорати корҳои дохилӣ ва Вазорати маориф ва илми ҷумҳурӣ, имрӯз (07.05.с.2018) дар Донишгоҳи давлатии омӯзгории Тоҷикистон ба номи Садриддин Айнӣ вохӯрии кормандони Хадамоти пешгирии ҳуқуқвайронкунӣ байни ноболиғон ва ҷавонони ВКД (ХПҲНҶ) бо омӯзгорону донишҷӯёни донишгоҳи мазкур баргузор гардид.
Тавре дар оғози ин чорабинӣ сардори ХПҲНҶ ВКД полковники милитсия Фаттозода Абдусаттор Абдуқаҳҳор зикр намуд, ин муассисаи олии таълимӣ яке аз муассисаҳои куҳани ҷумҳурӣ маҳсуб ёфта, бо шарофати саъю кӯшиши маъмурияти он қоидаҳои таълиму тадрис дар донишгоҳи мазкур дар сатҳи зарурӣ ба роҳ монда шуда, тамоми талаботҳои таҳсил дар мактабҳои олии кишвар дар ин ҷо риояву иҷро мешаванд.
Дар идомаи ин вохӯрӣ, дар баробари баррасии масъалаҳои марбут ба ҳаёту фаъолияти ҷавонон, инчунин доир ба проблемаҳои доғи рӯз, аз қабили терроризму экстремизм ва ҳолатҳои ҷалб гардидани ҷавонон ба ҳизбу ҳаракатҳои ифротӣ низ изҳори назар карда шуд.

485

Зикр гардид, ки ҳамкории Донишгоҳи давлатии омӯзгорӣ бо мақомоти ҳифзи ҳуқуқ, алалхусус Вазорати корҳои дохилӣ дар сатҳи зарурӣ ба роҳ монда шуда, қисмате аз донишҷӯёни фаъоли ин донишгоҳ, ки аъзои гурӯҳи ҷавонони «Авангард» мебошанд, дар тамоми чорабиниҳои ҷамъиятии пойтахти кишвар ва вилояту шаҳру ноҳияҳои ҷумҳурӣ дастаҷамъона иштирок менамоянд. Аз ҷумла, онҳо чун ёварони кормандони мақомоти корҳои дохилӣ, ба ҳайси дружиначиёни ихтиёрӣ ва кормандони ғайриштатии милитсия, ҳангоми баргузории ҳама гуна ҷашну чорабиниҳои идона дар ҳифзу нигаҳдории тартиботи ҷамъиятӣ саҳмгузорӣ менамоянд.

486

Барои ин ва дигар ташаббусҳои наҷибона, бо фармони ВКД, ба роҳбарияти Донишгоҳи давлатии омӯзгории Тоҷикистон ба номи Садриддин Айнӣ «Ифтихорномаи фахрӣ» ва ба як қатор донишҷӯёни ин муассисаи таҳсилоти олии касбӣ Сипосномаву Раҳматномаҳо аз номи Вазири корҳои дохилӣ генерал-полковники милитсия Раҳимзода Рамазон Ҳамро супорида шуданд.
Барномаи фарҳангию ҳунарии омоданамудаи донишҷӯёни Донишгоҳи давлатии омӯзгорӣ анҷомбахши ин ҷамъомад гардид.
Абдулло ШОҲИЁН,
Дилшод ХОЛОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика