Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шоми хотирмони ҷавонон

160

Шоми 26-уми апрел дар Маркази таълимии ВКД чорабинии фарҳангию фароғатӣ доир гардид. Дар он як гурӯҳ ҷавонони бадахшонӣ, ки дар меҳмонии ҷавонони шаҳри Душанбе қарор доштанд, бо ҳамроҳии гурӯҳи «Авангард» иштирок намуданд.
Дар ин шом ҷавонон бо ҳисси баланди ватандӯстӣ аз бардоштҳояшон аз сафар ба пойтахти мамлакат нақл менамуданд. Ҳангоми баргузор гардидани ин чорабинӣ ҷавонон аз шавқ гоҳ мерақсиданду гоҳи дигар бо сурудхонӣ машғул мешуданд.
Тавре дар суҳбат яке аз ин ҷавонон Моҳбегим Одилбекова таассуроташро баён намуд: «Мо ҷавонон аз дастгириҳои ҳамешагии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббусҳои Вазири корҳои дохилӣ генерл-полковники милитсия Раҳимзода Рамазон Ҳамро, барои иқдомҳои наҷибашон, ки баҳри мо ҷавонон роҳандозӣ гардидааст, миннатдор ҳастем.
Бо ин восита дар байни мо дӯстию рафоқат ва арҷ гузоштан ба арзишҳои миллӣ зиёд мегардад. Хушҳолем, ки зимни сафари худ бо ҳамсолони худ аз манотиқи гуногуни кишвар ошноӣ пайдо кардем».

161

Ҳамчунин, ҷавонони бадахшонӣ аз бардоштҳояшон аз ин сафар қайд карданд, ки дар ин сафар, ки ба «Соли рушди сайёҳӣ ва ҳунарҳои мардумӣ» рост меояд, аз мавзеъҳои таърихии мамлакат ва як қатор иншооти замони муосир дидан кардем. Пас аз ин сафар метавонем дар байни ҳамсолони худ аз таасуроти хеш қисса намоем.
Бояд ёдовар шуд, ки сафари ҷавонони Бадахшон ба пойтахти кишварамон бо ташаббуси Вазорати корҳои дохилӣ дар доираи «Соли рушди сайёҳӣ ва ҳунарҳои мардумӣ» сурат гирифта, мақсад аз ин сафар, пеш аз ҳама дӯстию рафоқат миёни ҷавонон ва пойдории сулҳу субот ба ҳисоб меравад.

Тоҷиддин ЛАТИПОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика