Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ дар Донишгоҳи давлатии Хуҷанд

453

Имрӯз (02.05.с.2018), дар Донишгоҳи давлатии Хуҷанд ба номи Бобоҷон Ғафуров кормандони Хадамоти пешгирии ҳуқуқвайрокунӣ байни ноболиғон ва ҷавонон (ХПҲНҶ)-и ВКД ва ҷавонони фаъоли гурӯҳи «Авангард» бо донишҷӯён ва омӯзгорони ин боргоҳи илм вохӯрӣ доир намуданд. Қайд гардид, ки ҳадаф аз баргузории чунин як чамъомад, ин пешгирии қонуншиканӣ дар байни ҷавонон, бахусус донишҷӯён, бо илму дониш фаро гирифтан ва иштироки фаъоли онҳо дар дарсҳо мебошад.

454

Зимни суханронӣ муовини сардори ХПҲНҶ ВКД полковники милитсия Мирзозода Абдуқодир Довуд иброз дошт, ки яке аз масоили асосӣ ва доғи рӯз ин пеш аз ҳама дуруст ба рох мондани сатҳи таълиму тарбия ва назорати доимии донишҷӯёни муассисаҳои олии кишвар мебошад. Зикр гардид, ки вазифаи мову шумо ин аст, ки дар якчоягӣ ҷиҳати пешгирӣ намудани қонуншиканӣ, шомилшавии ҷавонон ба ҳар гуна гурӯҳҳои ифродгаро ва даст задани онҳо ба ҷинояту ҷинояткорӣ корҳои фаҳмондадиҳӣ гузаронида, пеши роҳи содиршавии амалҳои номатлубро бигирем.
Дар идомаи чорабинӣ аъзои фаъоли гурӯҳи «Авангард» Фирӯз Қодиров дар мавзӯи «Ҳифзи истиқлолият ва дастовардҳои он» баромад намуда, изҳор дошт, ки дар даврони сулҳу субот ва ба даст овардани истиқлолияти кишвар, баҳри пешрафт ва тараққиёти тамоми соҳаҳо шароит фароҳам оварда шудааст. Ҳукумати мамлакат ҷиҳати илмомӯзӣ, аз бар намудани забонҳои хориҷӣ ва технологияи муосир баҳри насли ояндасози миллат ҳамаҷониба ғамхорӣ намуда, пайваста таваҷҷуҳи хоса зоҳир мекунад. Номбурда изҳор дошт, ки бо ташаббуси созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018 ҳамчун соли «Рушди сайёҳӣ ва ҳунарҳои мардумӣ» эълон гардид, ки чунин ибтикор барои инкишофу рушди ҳунарҳои мардумӣ, ташаккули сайёҳӣ мусоидат менамояд.

455

Нозири шуъбаи ҷавонони ХПҲНҶ ВКД капитани милитсия Каримов Меҳрубон атрофи пешгирии шомилшавии ҷавонон ба ҳизбу ҳаракатҳои ифротгаро суханронӣ намуда, изҳор дошт, ки танҳо дар якҷоягӣ бо мактабу маориф ва аҳли ҷамоатчигӣ мо метавонем, пеши роҳи ҷинояткории ҷавононро бигирем.
Дар анҷоми чорабинӣ донишҷӯён ба намояндагони ВКД саволҳо пешниҳод намуда, ҷавобҳои мушаххас барои худ пайдо намуданд.
Роҳбарияти Донишгоҳи мазкур барои доир намудани чунин як вохӯрии пурмӯҳтаво ба намояндагони ВКД изҳори миннатдорӣ баён намуданд.
Шоҳиён Абдулло
ш. Хуҷанд


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика