Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мулоқот ва сӯҳбати пурмӯҳтаво бо донишҷӯёни Донишгоҳи давлатии шаҳри Хоруғ

458

Имрӯз (02.05.с.2018), дар Донишгоҳи давлатии ба номи Моёншо Назаршоеви шаҳри Хоруғ вохӯрии сардори Раёсати Вазорати корҳои дохилӣ дар ВМКБ полковники милитсия Бухоризода Мансур Ғоиб бо устодон ва донишҷӯён баргузор гардид, ки дар он ректори Донишгоҳи шаҳри Хоруғ Ҷонмамадов Шермамад, кормандони Раёсати кор бо ҷавонон, шуъбаи пешгирии ҳуқуқвайронкунии байни ноболиғону ҷавонони РВКД дар ВМКБ ва ҷавонони фаъоли гурӯҳи “Авангард” иштирок намуданд.
Сухани ифтитоҳиро ректори донишгоҳ оғоз намуда, сардори РВКД дар ВМКБ полковники милитсия Бухоризода Мансур Ғоиб бо такя ба Паёми навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид дошт, ки кишвари мо роҳи ҷомеаи ҳуқуқбунёдро интихоб намудааст, ки яке аз ғояҳои асосии он таъмини волоияти қонун ва ҳифзи ҳуқуқу озодиҳои инсон ва шаҳраванд мебошад.

459

Дар рафти вохурӣ сардори РВКД дар ВМКБ баён намуд, ки Ҳукумати Ҷумҳурии Тоҷикистон сиёсати давлатии ҷавононро дар мадди назари хеш қарор дода, баҳри фаъолияти минбаъдаи эшон ташаббусҳои зиёдро равона менамояд. Ба донишҷӯён таъкид намуд, ки аз илмҳои замони муосир пайваста истифода намуда, ҷиҳати азхуд намудани донишҳои замонавӣ кӯшиш ба харҷ диҳанд. Гуфта шуд, ки дар зарфи 26-соли истиқлолияти Тоҷикистон ва Ваҳдати миллӣ дар қаламрави ВМКБ чандин иншоотҳои таъиноти иқтисодиву иҷтимоӣ сохта мавриди баҳрабардорӣ қарор дода шуданд. Шумо ҷавонон бояд дар ободкориву бунёдкорӣ ва сарсабзу хуррам гардонидани диёри азизамон ҳиссагузор бошед. Аз донишҷӯён даъват ба амал овард, ки дар ҷавоб ба чунин ғамхориҳо ҳар як ҷавон бояд пайваста дар ҷустуҷӯи донишомузӣ, навоварӣ ва бозёфтҳо дар илмҳои дақиқро ихтиёр намояд, чаро ки ояндаи Ҷумҳурии Тоҷикистон аз насли созандаи кишвар вобастагии калон дорад.
Зимни вохӯрӣ бо донишҷӯён, инчунин дар бораи ташкил гардидани гурӯҳи “Авангард” дар байни ҷавонони ВМКБ сухан рафта, нақши муассири онҳо дар бурдани корҳои фаҳмондадиҳӣ ҷиҳати пешгирии ҷинояткорӣ ва ҳамкорӣ бо мақомоти корҳои дохилӣ қайд карда шуд.

457

Дар ҷараёни вохӯрӣ аз тарафи ҷавонону донишҷӯён саволҳо ва дархостҳо ба миён омада, аз тарафи сардори РВКД дар ВМКБ посухҳои асоснок гирифтанд.
Далер Чоршанбиев
капитани милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика