Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дарсҳои тарбиявии кормандони милитсия дар тамоми муассисаҳои таълимии пойтахт

468

Баҳри пешгирии ҷинояту ҷинояткорӣ, авбошиҳои гурӯҳӣ миёни ҷавонону ноболиғон алалхусус хонандагони муассисаҳои таълимӣ, ҷиҳати иҷроиши Қарори Раиси шаҳри Душанбе таҳти №63 аз 30 январи соли 2018 “Дар бораи таъсис додани гурӯҳи таблиғотӣ оид ба тарғиби одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе” бо дастуру супоришҳои роҳбарияти Раёсати ВКД дар шаҳри Душанбе дарсҳои тарбиявию силсилавохӯриҳо дар тамоми муассисаҳои таълимии ҳудуди пойтахт ташкил ва баргузор гардида истодаанд.

Мавриди зикр аст, ки ҳамкории мутақобилан судманди милитсия бо ҷомеа яке аз самтҳои аввалиндараҷаи фаъолияти хизматии мақомоти корҳои дохилӣ ба ҳисоб рафта, имрӯзҳо роҳбарияти Вазорати корҳои дохилӣ ба ин самти фаъолият таваҷҷӯҳи махсус зоҳир менамоянд. Зеро маҳз дар ҳамбастагӣ метавон ҳамагуна амалу кирдори зиддиҳуқуқиро дар ҷомеа пешгирӣ намуд.
Ин аст, ки кормандони РВКД дар шаҳри Душанбе тибқи дастуру супоришҳои роҳбарият бо тартиби нақша-чорабиниҳо, баргузории мулоқоту вохӯриҳои кормандони милитсия бо аҳли ҷомеа, хонандагону донишҷӯёни муассисаҳои таълимӣ ва дигар табақаҳои гуногуни ҷомеаро ба роҳ мондаанд. Чунин мулоқот ва суҳбатҳои озоду ошкорои кормандони мақомоти милитсия имконият медиҳад, то ки иштирокдорон аз вазъияти криминогении минтақа хабардор гардида, дар пешгирӣ ва рафъи зуҳуроти халалдоркунандаи тартиботи ҷамъиятӣ саҳмгузор бошанд.

469

Рӯзи 3-юми майи соли 2018 дар доираи дастуру супориш ва қарори Раиси шаҳри Душанбе дар басти дувуми дарсии ҳамаи 123 муассисаҳои таҳсилоти миёни умумии шаҳри Душанбе дарсҳои тарбиявӣ, мулоқоту суҳбатҳои ошкоро ташкил карда шуда, филми мустанад дар самти ҷинояту ҷинояткории ҷавонону ноболиғон намоиш дода шуд. Дар соати тарбиявӣ тамоми кормандони милитсияи пойтахт, ки ба Муассисаҳои таҳсилоти миёнаи умумии пойтахт вобаста гардида буданд, иштирок намуданд.
Аз ҷумла, дар МТМУ №101-и ноҳияи Сино сардори Хадамоти пешгирии ҳуқуқвайронкунӣ дар байни ноболиғон ва ҷавонони РВКД дар шаҳри Душанбе, полковники милитсия Иброҳимов Баширхон ва дигар кормандони милитсия, ки дар ин муассиса вобаста гардида буданд, иштирок ва суханронӣ намуданд.
Номбурда зимни баромади худ доир ба пешгирии ҳуқуқвайронкуниву ҷинояткорӣ ва муноқишаву авбошиҳои гурӯҳӣ байни муассисаҳои таълимӣ ҳарф зада, иброз дошт, ки мутаасифона ҳодисаю воқеаҳои солҳои охир, алалхусус муноқишаҳои гурӯҳӣ дар миёни мактаббачагон, содиршавии ҷиноят ва амалу кирдорҳои номатлуб аз тарафи онҳо аз он шаҳодат медиҳанд, ки сатҳи таълиму тарбия дар муассисаҳои таълимӣ беҳбудии ҷиддиро талаб намуда, ҳамзамон волидайн ва нафарони дар таълиму тарбияи фарзанд муваззафбударо мебояд, ҷиҳати ояндаи фарзандони худ бетараф набошанд. Зеро авбошиҳои гурӯҳии вақтҳои охир содиршуда, аз он далолат мекунад, ки беҳудагардию шабгардии ҷавонон волидайни онҳоро ба ташвиш наоварда, фарзандони онҳо ба ҳар гуна амалу кирдорҳои зиддиҷамъиятиву ба ҷомеа хавфнок даст мезананд, ки ҷои нигаронист.
Дар ин росто муаасисаҳои таълимӣ, волидайн, аҳли ҷомеа ва тамоми шаҳрвандонро мебояд, нисбати ояндаи ҷавонону ноболиғон, ки қишри ояндасози миллату давлат ба шумор мераванд, бетараф набуда, баҳри ояндаи дурахшони онҳо тамоми кӯшишҳоро ба харҷ диҳанд.

470

Бояд гуфт, ки ташкилу баргузории вохӯриҳои мазкур ташаббус ва иқдоми навбатии роҳбарияти мақомоти иҷроияи ҳокимияти давлатӣ ва корҳои дохилии шаҳри Душанбе дар самти пешгирии ҳуқуқваронкуниву ҷинояткорӣ, шомилшавии ноболиғон ва ҷавонон ба ҳизбу ҳаракатҳои ифротгаро, ҳолатҳои бо мошинҳои шахсӣ, телефонҳои мобилӣ ва бо сару либоси ғайритавсиявӣ ҳозир шудани хонандагону донишҷӯён, сар задани ҷиноят махсусан авбошиҳои гурӯҳӣ ва ташкили назорати доимӣ дар муассисаҳои таълимӣ мебошад.
Сироҷиддин Шукуров


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика