Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ширкати фаъолонаи динамочиёни наврас дар мусобиқаи гӯштин

509

Дар мусобиқаи Муассисаи давлатии ММВЗО (Мактаби маҳорати варзишии захираҳои олимпӣ) №6-и шаҳри Душанбе оид ба гӯштини юнону румӣ байни наврасони солҳои таваллуди 2005-2007, ки рӯзҳои 5-6-уми ноябри соли 2019 дар мактаби таҳсилоти миёнаи умумии №37-и ноҳияи Синои пойтахт баргузор гардид, дастаи гӯштингирони навраси “Динамо”-и Вазорати корҳои дохилӣ фаъолона иштирок намуда, шаш мақоми ғолибиятро ба даст оварданд.
Мусобиқаи мазкур ба таҷлили ҷашни 25-солагии Рӯзи Конститутсияи Ҷумҳурии Тоҷикистон бахшида шуда, дар он 10 дастаи мактабҳои варзишии шаҳри Душанбе ва ноҳияи Қубодиёни вилояти Хатлон бо теъдоди беш аз 110 нафар варзишгар ширкат доштанд.
Аз миёни гӯштингирони навраси дастаи «Динамо», ки таҳти дастпарварии мураббии ботаҷрибаи соҳавӣ Наврӯз Назарзода машқу тамрин менамоянд, ҷойҳои аввалро Фаррухи Хуршед дар вазни 41 кило, Фирдавс Шермамадов дар вазни 57 кило, Низом Назарзода дар вазни 62 кило, як ҷойи дуюмро Дилшод Холзода дар вазни 41 кило ва ду ҷойи сеюмро Иброҳим Расулов дар вазни 20 кило ва Хуршед Холзода дар вазни 23 кило ишғол намуданд.

510511

Ғолибони мусобиқа бо медалу Ифтихорнома ва тӯҳфаҳои хотиравӣ сарфароз гардонида шуданд.
Х. Солиҳов, подполковники милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun2

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика